2022/05/24
USD 2,811

"Монгол Улсыг “Эрдэнэбүрэнгийн УЦС” 100 жил хямд эрчим хүчээр хангана"


УИХ-ын С.Бямбацогтоос БОАЖ-ын сайд Н.Уртнасанд хандаж “Эрдэнэбүрэнгийн УЦС”-ын бүтээн байгуулалт байгаль орчинд үзүүлэх нөлөөлөл, нөхөн олговор болон бусад асуудлаар тавьсан асуулгын хариуг чуулганы нэгдсэн хуралдаанаар сонслоо. Энэ үеэр УИХ-ын гишүүд асуулт хэлж, хариулт авлаа.

УИХ-ын гишүүн Т.Аубакир:

Энэхүү төслийг 100 хувь дэмжиж байна. Айл өрхийн өвөлжөө хаваржаа таарч байгаа, олон жил амьдарч байсан газар нутгаасаа явах бол малчдын хувьд тийм амархан асуудал биш. Иймээс аймаг орон нутгийн удирдлага, иргэдтэй зөвшилцөж шийдвэрлэх хэрэгтэй байна. 3 сумын малчин иргэдийн асуудал байгаа шүү. Түүх дурсгалын нөөц, ой модыг нүүлгэн шилжүүлэх хэрэгтэй. Нүүдлийн шувууд нүүдэллэх асуудлыг мөн маш зөв шийдээрэй. С.Бямбацогт гишүүн гардан энэхүү бүтээн байгуулалтыг урагшлуулахад анхаарч байгаад талархаж байна. Бид стратегийн энэхүү томоохон асуудлыг дэмжих шаардлагатай.

БОАЖ-ын сайд Н.Уртнасан:

Нийт 3 аймгийн 270 өрхөд 9,5 тэрбум төгрөгийн нөхөн олговор олгох асуудал байгаа. Гэсэн ч нөхөн олговрын асуудлыг дахин нарийвчлан гаргана. Мөн нүүлгэн шилжүүлэлтийг хэрхэн хийх вэ гэдгийг ч нарийвчлан гаргана. Малчдын бэлчээр хадлан тэжээлтэй холбоотой судалгааг ажлын хэсэг нарийвчлан гаргасан. Эхний жилүүдэд 50-60 хувийн хөнгөлөлттэйгээр малчдынхаа тэжээлийг өгч байхаар төлөвлөж байна. Нөхөн олговор олгох асуудал аймаг, 270 айл бүрээр өөр байгаа. Иймээс дахин тооцоолуур хийх болно, иргэдтэй өөрсөдтэй нь тохиролцоно.

УИХ-ын гишүүн О.Цогтгэрэл:

Эрдэнэбүрэн УЦС бол Монгол Улсын эрчим хүчийг хараат бус байх гол үндсэн нөхцөл суурь юм.

УИХ-ын гишүүн Б.Пүрэвдорж:

Дэлхийн нийт эрчим хүчний 90 хувийг их долоо гэгддэг улсууд хэрэглэж байгаа. Хямд эрчим хүчтэй газар л үйлдвэрлэл хөгждөг. Иймээс энэ УЦС заавал баригдах ёстой. УЦС баригдсанаар Ховд аймаг үсрэнгүй хөгжинө. Дөргөний УЦС-ын эрчим хүчээ Ховдодоо хэрэглэж, хямд эрчим хүчтэй болохыг зорьж байна. Ховд аймаг хямд эрчим хүчтэй болсоноор үйлдвэрлэлийн диваажин болно. 9,7 тэрбум төгрөгийн нөхөн олговор бол бага байна. Иймээс иргэдийн хохиролгүй болгож, нөхөн олговрын хэмжээг нэмэгдүүлэх хэрэгтэй шүү.

УИХ-ын гишүүн С.Бямбацогт:

Увс аймгийн Өмнөговь багийн иргэдтэй уулзсан. Иргэдэд мэдээлэл дутуу байна уу, мэдээлэл өгөхгүй байна уу, эсэргүүцэж байсан УЦС барихыг. Мэдээлэл өгөгдөөгүй асуудал ярьж байсан. Байгаль орчны үнэлгээ хийхдээ иргэдтэй хэдэн удаа уулзсан бэ. 9,7 тэрбум төгрөгөөс хэдэн төгрөгийн нөхөн олговор өгөх вэ гэдгээ иргэдэд өгөх хэрэгтэй. Үнэлгээний компаниуд хэдэн төгрөгөөр үнэлгээ хийсэн юм. Төрийн бодлогыг орон нутагтаа хэрэгжүүлэх үүрэгтэй. Сумын Засаг дарга, ИТХ дур зоргоороо шийдвэр гаргаж болохгүй.

БОАЖ-ын сайд Н.Уртнасан:

-Засаг захиргаа, нутаг дэвсгэрийн нэгжийн хуулиар сумын ИТХ-ын шийдвэрийг аймгийн ИТХ батлах ёстой. Бие даан гаргасан шийдвэр хүчингүй.

Судалгааны багийн ахлагч н.Сосорбурам:

-Бид 2 жил орчим энэ төслийг судалгааг хийсэн. Орон нутаг руу 4 удаа явж ажилласан. Нөлөөлөлд орж байгаа 270 айл өрх бүртэй орж биечлэн уулзсан, зураг дарж баталгаажуулсан. Газрыг солих асуудлаар ярилцсан, бүгд дэмжсэн. Хачирхалтай нь иргэдийн уулзалт дээр эсэргүүцсэн. Увс аймгийнханд нэг өрхөд 3-36 сая төгрөг, Баян-Өлгий аймаг талдаа 30-100 орчим сая төгрөг авч байгаа. 1938 оноос өв дамжин амьдарч байсан иргэдийн үнэлгээ багаар хийгдсэн асуудал байгаа. Иймээс ажлын дэд хэсэг дахин ажиллаж, хуулийн хүрээнд үнэлгээг нэмэх асуудлаар ажиллана. Дөргөний УЦС өртөгөө 4,3 дахин нөхсөн байгаа. УЦС-ын нэг удаагийн өртөг өндөр боловч эргэн хөрөнгөө оруулалтаа маш хурдан нөхдөг.

УИХ-ын гишүүн Х.Булгантуяа:

Мэдлэг мэдээлэл дутмаг байдлаас шалтгаалан асуудал үүсээд байна шүү, зөв зүйтэй ойлгуулаад явах хэрэгтэй. Ингэснээр дараа дараагийн бүтээн байгуулалт асуудалгүй шийдэгдэнэ. Хааш хаашаагаа 10 км газарт 10 орчим тэрбум төгрөг олгож, 4 дахин том газар нутгийг дахин олгох юм байна.

 УИХ-ын гишүүн С.Бямбацогт:

Эрдэнэбүрэнгийн УЦС эдийн засаг, үр өгөөжийн асуудлаар тавьсан асуулгын хариуг Эрчим хүчний сайдаас авна. Энэ удаад БОАЖ-ын сайдаас байгаль орчинд үзүүлэх нөлөөлөл, нөхөн олговрын асуудлаар багагүй мэдээлэл авлаа. Мөн эсэргүүцэж буй Увс аймгийн Өмнөговь сумын иргэдтэй уулзан, өөрийн цахим хуудсаар дамжуулан 400 орчим иргэний санал хүсэлтийг авч өнөөдөр ийнхүү мэдээлэл авлаа. 

Монгол Улсын өмнөө барьдаг, туршлагатай хоёр компани 490 сая төгрөгөөр хоёр жилийн туршид судалгаа, үнэлгээ хийж байгаль орчинд үзүүлэх ноцтой сөрөг нөлөөлөл, үр дагавар байхгүй гэж үзэж судалсан байна. Иймээс иргэд эргэлзэх шаардлагагүй болов уу. “Эрдэнэбүрэн УЦС” бол Монгол Улсын эрчим хүчний тусгаар тогтнолын үндэс. Манай улс ОХУ-д өнгөрсөн 20 жил 300 тэрбум төгрөг, жилд 20 тэрбум төгрөг төлдөг. Ирэх 20 жилд 400 гаруй  тэрбум төгрөг төлөх нь. Бид 40 жилийн турш төлж байгаа мөнгөөр 100 жил тасралтгүй ажилладаг станцтай болж, хямд эрчим хүчээр хангагдана. Баруун 3 аймаг нэг квт тогийг 300-350 төгрөгөөр гаднаас авч байгаа. Гэтэл Дөргөний УЦС үүнээс 10 дахин хмд буюу 38 төгрөгөөр үйлдвэрлэдэг. Хямд үнэтэй эрчим хүчтэй болно гэдэг бол үйлдвэрлэл хөгжих, хүлэмжийн хий бууруулах, нийгэм эдийн засгийн маш олон эерэг үр дагавар үр өгөөжтэй. Дулааны цахилгаан станцын ашигт үйлийн кофицент 30 гаруй хувьтай бол УЦС 97 хувьтай байдаг ашит ажиллагаатай байдаг байна. Дулааны станц байнга нүүрс түлж зардал гарна, нарны станц нар гарахгүй үед ажиллахгүй, салхин станц салхигүй бол ажиллахгүй. Храин ЭЦС барихдаа зардал гарна цаашдаа зардал гарахгүй. Ингээд үзвэл одоогоор байгаа хамгийн үр ашигтай шийдвэр бол УЦС юм. Тэнд байгаа айл өрхийн нөхөн олговрын асуудлыг шийдвэрлэх ёстой. 100 мянган өрхийн эрх ашгийн төлөө 100 гаруй өрхийн асуудлыг шийдвэрлэх хэрэгтэй.  

 


Сэтгэгдэл (14)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
43.228.129.20
Барьж болно гэхдээ хятадуудаар бариулах хэрэггүй харин Тайширын усан цахилгаан станцыг бариулсан улсаар бариулах нь зүйтэй,Ер нь бол эрчим хүчнийхээ асуудлыг дотооддоо 100% шийдвэрлэх хэрэгтэй,Орос бол өөрийнхөө өчүүхэн эрх ашгийг тулгаж байгаа нь дэндүү өрөвдөлтэй байна, Ер нь бол хятад дундаас нь ашиг олохыг л хичээх болно,Монгол улс өөрсдийнхөө эрчим хүчний асуудлыг шийдэхэд орос хятадаас зөвгөөрөл авна гэдэг байж болшгүй дампуурал гэсэн үг ,Монголчууд энэ усан цахилгаан станцаа барьж чадахгүй бол ирээдүйн хөгжил дэвшил гэж яхиад хэрэггүй учир нь энэ хоёр улс давраад айлгаад сурчихна , хийх ёстой юмаа хэнээрч заалгахгүй хийж байж л бид хөгжинө бид ялна, бид мөнгөтэй болно,тэгж чадахгүй бол бид тэдний дарамтанд үүрд үлдэх болно
Хариулах
202.9.40.11
Эрдэнэбүрэн гийн төслийг эсэргүүцсэн Увсын Өмнөговь сумынханыг нутгаас нь хөөж цөлд цөлөх хэрэгтэй улс орны амин чухал эрх ашигт саад хийсэн тэнэг мангуу дөрвөд баядуудыг яалтай билээ халаг минь
Хариулах
66.181.182.110
Бямбацогт нэг их ярьсан бүтэхгүй нөхөр харагдаад байгаа. Тэр шүүхийн шинэчлэлийг нь хараарай. Энэ УЦС ч гэсэн Монголд ашигтай нь харагдахгүй байгаа. Дэмжихгүй.
Хариулах
66.181.161.15
Энэ Эрдэнэбүрэнгийн УЦС нь бүх юм нь хятадынх юм байна гэж харагдаад байгаа шүү. Маш их хөрөнгө л яригдаад байгаа. Бас Бямбацогт билүү энэ ховдын нөхөрт хэлэхэд чи сумын иргэдийн төлөөлөгчдийн хуралын тэргүүлэгчдын шийдвэриыг хүчингүй гэж хэлэх эрхгүй шүү. Төрийн албан хаагч төрийн эрх барилцах эрх бүхий байгууллагаа үгүйсгэх эрх байхгүй.
Хариулах
192.82.81.159
БАРИХ НЬ ЗӨВЧ 8 ДАХИН ХЭТ ӨНДӨР ҮНЭЭР БАРИХ НЬ БУРУУ !!!!!
Хариулах
139.5.216.133
Яааг үнэн
Хариулах
139.5.216.133
Заа тэр нь ч юу юм. 1-т Хятадын ЗГ-ийн шахаа биз, 2-аарт манай нөгөө улсууд, нөгөө ажлаа дунд нь хийх гээд яаж дутав гэж, 3-аарт сонгон шалгаруулалт, сонгон шалгаруулалт л гэнэ тэгээд явж явж Хятадуудын цаанаас нь санал болгосон компанийг л хоёр тал нэгдэж шалгаруулсан болоод л дуусдаг. Африкийн орнуудад Хятадын ийм асуудал зөндөө л гарсан.
Хариулах
66.181.161.60
Бямбацогт гуа энэ ажил дрс хэдн төг цохж авх санаатай хамг барилга газр шорооны ажлг авсан уу ХОВД ын бүх ттом тендрг олон жл авлаа цаг цагаарай бадггүй гдгииг санж яврхй
Хариулах
202.21.108.22
Түүн шиг худлаа юм байхгүй шүү, Баруун бүсийг цахилгаанаар хангана гэж баригдсан Тайширын станц чинь одоо 22 тэрбумын өртэй, 2 хон сумаа арай чамай цахилгаанаар хангахтай үгүйтэй байна, удахгүй хамаг тоног төхөөрөмж нь Хятад юм чинь эвдрээд шатаад эхлэнэ. Бямбацогт асар их мөнгө унагаах вариант атгачихжээ.
Хариулах
103.212.118.240
байгалийн үзэсгэлэнтэй хүчтэй боргиотой ховор тогтоцтой боргионы дуу чимээ нь хаана ч байхгүй үнэхээр гайхамшигт нутаг жуулчид их ирдэг усны жуулчид боргионд нь ур чадвараа сорьдог сайхан нутаг харамсаж байна УЦС барих шаардлага байхгүй өөрөөр цахилгаан гаргах дэвшилтэд тёхнологи зөндөө л бна УЦС бол хоцрогдсон шийдэл барилаа гэхэд ашиглалт хятад сэлбэг хэрэгсэл хятад үнэ тариф хятад бүгд хараат болно Ийм жишээ олныг хэлж болно Хар хорины УЦС= ыг НЭРЛЭЖ болно хятадууд сэлбэгээ өгөхгүй байсаар байгаад төмрийн хогонд өгөөд одоо туурь нь байж л байна 100 жил хямд цахилгааныг БЯМБАЦОГТ д өгөх байх бидэнд 1 жил өгвөл их юм Бидэнд гашуун туршлага байгаа шүү
Хариулах
150.129.142.254
УЦС маш өндөр ач холбогдолтой. Нутгаа солиод нүүхэд тийм хүнд биш шүү дээ. Хаа сайгүй монголын хоосон нутаг байна. Юун өндөр нөхөн төлбөр вэ. Хотын орон сууцнаас үнэтэй юмуу хаашаа юм. УБ-ынхан ихэнх нь л хөдөө өссөн хүмүүс байгаа. Нүүж суухыг сайн мэдэж байгаа. Төр өөрөө мэдэх хэрэг. Даварсан малчид байнаа.
Хариулах
202.9.47.34
Хятадыг дагавал Монгол устах магадлал улам нэмэгдэнэ.
Хариулах
202.9.47.34
Станц барихаар баахан гуйлгачин хужаа шаагиад ороод ирнэ тэд буцаж хужаадаа очноо тvй май болно маш чанар муутай станцыг ендер тарифаар барина ер телех чадамж муу Монгол нутгаа алдана ацных нь станц манатай газар нутгаа тусгаар тогтнолоо алдана яагаад очиж очиж вирус хятад барих хэрэгтэй юм бэ? энд л асуудал байна даа одоо вирус хятадад Уганда Таджик Лаос улсууд газар нутгаа алдаад байна дараа нь магад Монгол байж ч болох юм вирус хятад шунал энэ дээ хятадыг дагаж далдгана
Хариулах
139.5.219.104
Хямд үнэтэй эрчим хүч үйлдвэрлэх с гадна нүүрс хүчлийн хий ялгаруулахгүй нүүрс ухахгүй мод маш олон давуу талтай усан цахилгаан станц
Хариулах