Комплант ХХК нь 2018 онд Хөгжлийн банкнаас 2.8 тэрбум төгрөгийн зээл авчээ. Ингэхдээ Хөгжлийн банкны гүйцэтгэх захирлын Ажлын албаны дарга асан Д.Дэлгэрсайханд 444 сая төгрөгийн хахууль өгсөн нь мөрдөн байцаалтын явцад тогтоогджээ. Ингэхдээ өөрийн ээжийн нэр дээрх дансаар хахуулийн мөнгийг авсан байна. Өөрөөр хэлбэл Д.Дэлгэрсайхан нь Комплант компанид давуу байдал бий болгосныхоо төлөө хамаарал бүхий этгээдийн дансаар их хэмжээний авлигал авсан нь тогтоогдоод байгаа юм.
Комплант компани нь Сүхбаатар дүүргийн нутаг дэвсгэр Ногоон нуур орчимд хэрэгжүүлж буй “Орчин үе гэр хорооллын дахин төлөвлөлт” төслийн хүрээнд 84 айлын 7 барилга барихаар төлөвлөсөн ч төслийн гүйцэтгэл хангалтгүй, дөнгөж 15 хувьтай байна. Холбогдох байгууллагаас хийсэн шалгалтаар тус компани зээлийг зориулалт бусаар ашигласан буюу 2 тэрбум 111 сая төгрөгийн зээлийн зарцуулалт тодорхойгүй байгаа нь тогтоогдсон. Өнөөдрийн байдлаар тус компанийн зээлийн үлдэгдэл 3.8 тэрбумд хүрсэн бөгөөд өнгөрсөн 4 жилийн хугацаанд ердөө 304 сая төгрөгийн эргэн төлөлт хийсэн байна.
Сэтгэгдэл (0)
Сэтгэгдэл бичигдээгүй байна