"Дахиад өгөх амь алга, одоо зогс" хэлэлцүүлэг боллоо

О.Шүрэнцэцэг
2023/11/22

"Дахиад өгөх амь алга, одоо зогс" хэлэлцүүлэг 2023 оны 11 дүгээр сарын 21-ний өдөр боллоо. Уг хэлэлцүүлэг цэргийн алба хааж байхдаа амь нас, эрүүл мэндээрээ хохирсон хүмүүсийг албаныхантай уулзаж асуудлаа ярих гүүр болохыг зорьсон юм. Хайртай хүүгээ, ах дүүгээ, ханиа эр цэрэгт явуулчихаад эрэмдэг зэрэмдэг хүлээж авдаг, эсвэл энэ хорвоод байхгүй болсон уйтай мэдээг сонсдог эмгэнэлт явдал эртнээс эхтэй, өнөөдөр ч энэ байдал байсаар байна. Жилд хэд хэдээрээ цэрэг үхдэг гашуун мэдээ сонсоод халаглаад өнгөрөхөөс илүү байж чаддаггүй энэ байдлыг өөрчилж, цэргийн алба байгууллагад буй алдааг засч сайжруулах нь айл бүрт хамаатай асуудал юм.

Хэлэлцүүлэгт амь насаа алдсан цэргүүдийн аав ээж, ах эгч дүү нар, цэргийн алба хааж байхдаа зодуур дэглэлтийн улмаас хохирогч болж насаараа тахир дутуу, ажил хөдөлмөр хийх чадвараа алдсан, унаж татдаг өвчтэй болсон залуус, тэдний ар гэрийнхэн нийлээд 30 гаруй хүн оролцсон юм. Нөгөө талаас Батлан хамгаалах яам, Зэвсэгт хүчний Жанжин штаб, Хил хамгаалах Ерөнхий газар, Хүний Эрхийн Үндэсний Комисс болон улс төрийн намуудын төлөөлөл 20 гаруй албаны хүмүүс оролцож асуудлаа хэлэлцлээ.

"Надад хэрэг үнэн зөвөөр шийдэгдэх хүртэл явах зориг байна, харин зүрх алга, зүрхээ сугалуулчихсан шүү дээ"

Зэвсэгт хүчний 326 дугаар ангид найм хоногийн өмнө амь насаа алдсан талийгаач "Д"-н аав н.Ганбат: "Энэ хэрэг үнэн зөвөөр шийдэгдээсэй гэдэг л ганцхан хүсэл байна. Ер нь камержуулалтыг яагаад цэргийн анги танхимынхаа булан тохой бүрт тавьж болдоггүй юм бэ. Нууж хаагаад байх юу байдаг юм бэ, тэртээ тэргүй цэрэг татлагын үеэр шалдан нүцгэн оруулдаг л биз дээ. Дан эрчүүд байгаа газар ариун цэврийн өрөөнд ч гэсэн камержуулалтыг хийх хэрэгтэй шүү дээ. Тэр газрууд чинь зодуурын цэг болчихоод байна. 326 дугаар ангийн камерийн бичлэгийг үзэх гээд цагдаагийн газар очиход цас цэвэрлэж байгаа гадна зураг, үүдний зургийг л үзүүлэх гэж байгаа байхгүй юу. 4-5 цагдаа камерийн бичлэг үзвэл нууцын гэрээнд гарын үсэг зураач гэж гуйж байсан. Би гарын үсэг зураагүйдээ өнөөдөр энд яриад зогсож байна. Надад зориг байгаа, харин зүрх байхгүй шүү. Зүрхээ суглуулчихсан. Би хүүгийнхээ төлөө эцсээ хүртэл явна. Камерийн бичлэг байсан бол би хүүгээ хагалуулахгүй аваад л явах байсан шүү дээ. Ингэж өнөөдөр хэл ам хийгээд явахгүй байсан" хэмээлээ. Түүний биеийн байдал тавгүй, эмчид хандахыг хүсэн танхимаас гарсан юм.

Нас барсан сонсогчийн ээж: Хүүг маань эмчдээ үзүүлэх гээд ортол аранзаа аваад зайл гэсэн

2022 онд хүү нь Дотоод хэргийн их сургуульд элсээд суралцаж байх хугацаандаа амиа алдсан хүүгийн ээж Хөвсгөл аймгаас ирж хэлэлцүүлэгт оролцсон юм. Тэрээр, “Миний хүү 2022 онд Дотоод хэргийн их сургуульд элссэн. Энэ хугацаанд надад маш олон кейсийг хэлдэг байсан. Жишээлбэл, хоолой нь өвдөж сургуулийнхаа эмнэлэгт үзүүлэхээр ороход аранзаа аваад зайл, чамаас гадна бие нь өвдөхгүй залуус олон бий. Энд ирж хэвтэх гээд байх хэрэггүй гээд үзээгүй байсан. Дараа нь цагаан сараар гэртээ ирэхэд хацар нь халцраад хөхөхрчихсөн байсан. Үүнийг асуухад та хүнд битгий хэлээрэй, уулзвал намайг ална, болохгүй. Хүү нь эр хүний сургуульд сурч байгаа шүү дээ гэсэн. Энэ мэтээр олон зүйл бий. Хүүг маань эмчдээ үзүүлэх гээд ортол аранзаа аваад зайл гэсэн" гэв.

"Миний дүүгийн үхлээр цэргийн үхэл дуусаг"

Энэ сарын 13-ны өдөр Зэвсэгт хүчний 326 дугаар ангид алба хаахаар очоод нас барсан байлдагч Д-ийн хамаатан н.Эрдэнэтуяа: "Цэрэг арми, шорон хоёрын ялгаа юу вэ, ялгаа байдаг уу. Би үүнийг асуух гэж ирсэн. Надад бол ялгаа харагдахгүй байна. Та нар хийж байна, шалгаж байна, төлөвлөж байна гэж ярихаас өөр юу хийж байгаа юм бэ. Эцийн үр дүнд нь цэргүүд амь насаа алдаж байна. Та нар хүн юм уу. Хүүгээ эр цэргийн албанд явуулсан эцэг эхчүүд үүргээ хүлээж л эх орноо хамгаалуулахаар явуулсан. Гэтэл амьд явах эрх нь хаана байна, би үнэхээр харамсч байна. Хийж байна, судалж байна гэж ярьдгаа боль та нар, ард түмэн тэнэг биш. Миний дүүгийн үхлээр цэргийн үхэл дуусаг,  тэр хүртэл эцсээ хүртэл тэмцэнэ. Эр цэргийн алба гэдэг хувийн байгууллага биш. Бүх газар нь тайлангаа тавь, Та нар иргэддээ нээлттэй ажлаа тайлагна. Миний дүү болон бусад амиа алдсан цэрэг эрс босч ирэхгүй. Бид насаа сэтгэл санааны дарамтад орж байна. Та нар нөхөн төлбөрийг нь олгох ёстой" гэлээ.

"Хүссэн зүйл хүзүүгээр гэгчээр цэрэгт өөрийн хүсэлтээр яваад, унаж татдаг өвчтэй болсон"

Цэргийн албанд татагдаад эрүүл мэндээрээ хохирсон иргэн би өөрийн хүсэлтээр цэргийн албанд явсан. Гэтэл хүссэн зүйл хүзүүгээр татна гэгчээр цэргийн ангидаа зодуулж тархиндаа гэмтэл авч унаж, татдаг өвчтэй болсон. Одоо би зургаан хүү, нэг охинтой. Өнөөдрийг хүртэл 12 жил ээж минь, хань минь л намайг асарч тойлж, энд ирсэн. Би зургаан хүүдээ цэрэгт яваад аав шигээ болоод ир гэж хэлэх үү үгүй юу, цэрэгт явуулах юм уу үгүй юм уу гэж асуумаар байна" гэв. 


0
angry
0
care
0
haha
0
liked
0
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
​ “Юм үнэнээрээ байх сайхан” 54 минутын өмнө
Монгол тархи Монголоо аварна 3 цагийн өмнө
"Darkhan united arena" орон нутаг дахь хамгийн том спорт цогцолбор нээлтээ хийлээ 4 цагийн өмнө
Монгол орны өнцөг булан бүрт хүрэх хаанаас ч ойрхон “ХУРДАН” цэг 7 цагийн өмнө
Сонгинохайрхан дүүрэгт үерийн эрсдэлээс урьдчилан сэргийлэх хариу арга хэмжээ авч байна 7 цагийн өмнө
Нийслэлийн МАН-ын хорооноос орон нутгийн сонгуулийн мөрийн хөтөлбөрөө хүлээлгэн өглөө 8 цагийн өмнө
Нарны хорооллын 6-р байрны оршин суугчид ГЭРТЭЭ усанд автав 9 цагийн өмнө
Дунд голын төгсгөлд зөвшөөрөлгүй барьсан түр замыг сэтэллээ 9 цагийн өмнө
Монполимет группийн дансыг хааж үйл ажиллагааг нь зогсоосонтой холбоотойгоор ажилчид нь тайван жагсаал хийж байна 9 цагийн өмнө
Нийт 24 дуудлага, мэдээллийн дагуу ажиллаж, 4800 орчим усыг сорууллаа 10 цагийн өмнө
Ерөнхий сайд Л.Оюун-Эрдэнэ хамгийн зөрүүд улстөрчийг нэрлэв 12 цагийн өмнө
Ховд аймгийн 1996 оны төгсөлтийнхөн З.Мэндсайханыг дэмжиж, сонгохоо хэллээ 12 цагийн өмнө
​Улаанбаатарын зарим хэсгээр цас орж байна 13 цагийн өмнө
Гадаад дахь монголчуудын санал хураалт үргэлжилж байна 13 цагийн өмнө
Баянзүрх, Сүхбаатар, Хан-Уул дүүргүүд үерийн хамгийн өндөр эрсдэлтэй байна 14 цагийн өмнө
Үзэл санааны улс төр ба Ч.Өнөрбаяр 14 цагийн өмнө
МАН-ын нэр дэвшигчдийн эсрэг АН-ын “ЗӨВ ЗУРГАА” өрсөлдөж байна 14 цагийн өмнө
Хог дээр хаягддаг малын арьс ширийг Ховдод боловсруулдаг болно 14 цагийн өмнө
С.Амарсайхан: Сонгууль болдгоороо болоод дуусна, төрийн байгууллагууд бэлэн байдлаа ханга 15 цагийн өмнө
Иргэдийн аюулгүй байдлыг хангаж, бэлэн байдалд ажиллаж байна 15 цагийн өмнө