Н.Өнөрбаяр: Би хотод нэг байртай юм, гэтэл яаж энэ байраа авсан гэж байцаасан. Малчин хүн байртай байж болохгүй юм уу, би өөрийнхөө мөнгөөр авсан шүү дээ

Сэтгүүлч Н.Өнөрцэцэг хорих 461-р ангид цагдан хоригдоод нэг сарын хугацаа өнгөрөөд байна. Түүний ар гэрийнхэн өнөөдөр /2023.01.03/ мэдээлэл хийлээ. 

Сэтгүүлч Н.Өнөрцэцэгийн эгч Н.Өнөрбаяр: Нөхрийнх нь эгчийг цагдаагаас дуудаад хотод байдаг байрыг маань хөдөө байж яах гэж авсан. Ямар мөнгөөр авсан гэж асуусан. Малчин хүн хотод байр авч болохгүй юу. Малчин хүн гэхээр л айлын хашаанд гэр барьж хүүхдүүдээ сургуульд явуулдаг байх ёстой биш шүү дээ. Бид нар бүгд хөдөө амьдардаг. Долоо хоноод л дүүтэйгээ уулзах гээд ирэхээр уулзалтын бичгийг нь гаргаж өгдөггүй. Долоо хоногийн хоёр удаа өгөх ёстой,  өглөө есөн цаг гээд очихоор хуралд орчихсон байна. Эсвэл дээрээс тамга дараагүй байна гэдэг.  Алтанбулаг руу цас ихтэй машин явахад тун хэцүү, арай хийж ирээд л уулзах гэхээр бичиг нь гарахгүй. Хэцүү байна, энэ асуудлыг анхаараад өгөөч гэу хүсч байна. Дүүгийнхээ үгийг нэг сонсоод, уулзая гэхээр бичиг нь гардаггүй. Өдрийн бүтэн хүлээлгээд л байдаггүй, үүдэнд нь хүлээгээд суугаад л байдаг. Миний дүүг гадуур шалгаж өгөөч, онц ноцтой гэмт хэрэг хийгээгүй шүү дээ. Хоёр хүү нь үнэхээр хэцүү байгаа. Бага хүү нь гурван цагаас нааш унтахгүй. Миний ээж аль хөдөө явсан юм аниа, фейсбүүкээр яримаар байна гээд маш хэцүү байна.  Хүнлэг энэрэнгүй Ардчилсан улс гэдэг. Гэхдээ дүүг минь хорьсонд үнэхээр гомдолтой байна.

Бичлэгээр үзэх: