Сайхан мэдээ: Улаанбаатар амьтны хүрээлэн өнөөдрөөс дахин үүдээ нээлээ

 Улаанбаатар амьтны хүрээлэн өнгөрсөн оны 12-р сард хаалгаа барьж буйгаа мэдэгдсэн. Тэгвэл тэд Үндэсний соёл амралтын хүрээлэнд дөрвөн улирал ажиллахаар болжээ. Цахим хуудастаа тэд дараах зүйлийг нийтэлжээ.
  “Бид дахин ирлээ. Нэг хаалга хаагдахад дахин нэг хаалга нээгддэг гэсэн юутай үнэн бэ. Үнэхээр баярлаад баршгүй. Үндэсний соёл амралтын хүрээлэн буюу хүүхдийн парк дээр жилийн дөрвөн улирал ажиллахаар болсноо дуулгахад таатай байна. Маргаашнаас буюу 2024 оны 01 сарын 06-наас өдөр бүр 11:00-20:00 цагийн хооронд ажиллана. Паркын хаана вэ гэж үү. Төв хаалгаар ороод 4 өнгийн бөмбөгөр байшин шүү.   Биднийг дэмжиж туслахаар холбогдсон хүмүүст маш их баярлалаа, ямар ч хандив тусламж аваагүй том давааг даваад гарлаа. Биднийг томоос том дэмжсэн паркын хамт олондоо маш их баярлалаа.Хүрэлцэн ирж биднийг дэмжээрэй”.