Найруулагч П.Золжаргал: "Намайг 13 настайд манайх Зүүнсалааны гудамжид дэлгүүр ажиллуулдаг байлаа. Тэр үеэс л нэг шуудай нүүрс зээлж аваад дулаахан хонохоор боллоо гэж чин сэтгэлээсээ баярлаж байгаа хүнээс эхлээд хүнсний зүйлээ ч ээжийн минь дэлгүүрээс зээлж авдаг хүмүүсийг дэндүү сайн ойлгодог болсон. Гэтэл хотын хүмүүс маань утаа их байна гэж хорооллын хүмүүсийг буруутгаж эхэлсэн. -35 хэмийн хүйтнийг нүүрсээр давж байж амьдарна гэдгийг хотын төвийнхөн ойлгохгүй байгаад гунигласан учраас 6 жилийн өмнөөс “Баавгай болохсон” киногоо хийж эхэлсэн. Би Зүүнсалаанд амьдардаг байхдаа сайн л боловсрол эзэмшихгүй бол ээжийнхээ дэлгүүрт үүрд үлдчих юм шиг санагддаг байсан. Тиймээс ээжээсээ гуйж гуйж Шинэ монгол сургуульд сурч тэндээсээ Япон улс руу найруулагчаар суралцах тэтгэлэг авч байсан. Ер нь утаа, архидалт бол ядуурлынх. Ядуурал бол сайн боловсрол байхгүйнх. Сайн боловсрол бол ядуурал гэдэг намгаас гарах гарц. Тиймээс сайн боловсролыг тэгш хүртээмжтэй олгох хэрэгтэй. Үүнийг л кинондоо 14 настай жирийн гэр хорооллын хүүгээр төлөөлүүлж харуулахыг зорьсон".
Түүний найруулсан Баавгай болохсон кино Каннын кино наадмын бүрэн хэмжээний кино төрөлд шалгарч танхим дүүрэн үзэгчийн тасралтгүй алга ташилтаар шагнуулж байсан юм. Удахгүй Монголдоо нээх гэж байна.
Бичлэгээр үзэх:
Сэтгэгдэл (16)