​Цэргийн хэлэлцүүлэг болон улаан автобусны асуудлаар сэтгүүлч Н.Өнөрцэцэгээс мэдүүлэг авч эхэлжээ


Зариг.мн мэдээллийн сайтын эрхлэгч, сэтгүүлч Н.Өнөрцэцэг ШШГЕГ-ын харьяа Урьдчилан хорих 461-р ангид цагдан хоригдоод хоёр сар болж байна. Өнгөрсөн долоо хоногт шүүхээс түүний цагдан хориог дахин 30 хоногоор сунгасан.

Тэгвэл Тагнуулын ерөнхий газраас хорих 461-р ангид очиж, сэтгүүлч Н.Өнөрцэцэгээс хоёр асуудлаар мэдүүлэг авчээ. Тодруулбал, цэргийн хэлэлцүүлэг зохион байгуулсантай холбоотой  хорлон сүйтгэх үйл ажиллагаа явуулсан гэх хэргээр мэдүүлэг авсан байна. Тухайн хэлэлцүүлгээр цэргийн алба хаагчдын амь нас, эрүүл мэндээрээ хохирсон асуудлыг хохирогчийн гэр бүл хөндөж, тэдний асуултад  Зэвсэгт хүчний жанжин штабын албаны хүмүүс хариулсан билээ.

Түүнчлэн сэтгүүлч Н.Өнөрцэцэгийг улаан автобусны худалдан авалтыг сурвалжилсаныг гадаадын тагнуулын байгууллагатай хамтран ажилласан гэх  асуудлаар мөн шалгаж эхэлжээ. 

Сэтгүүлч Н.Өнөрцэцэг өнгөрөгч аравдугаар сард БНХАУ-ын Нанжин хотод байдаг "Golden Dragon" ХХК дээр очиж, тус улаан автобусны худалдан авалтын гэрээг үзсэн талаар өөрийн сошиал хаягтаа оруулсан байдаг.

Тодруулбал, тэрбээр “224 ширхэг улаан автобус нийлүүлсэн “Голден драгон bus” ХХК дээр нь ирээд гэрээг нь үзчихлээ. Нэг автобусны үнэ 265 сая юм байнөө, гэтэл 302 саяар авсан гэж худлаа тайлагнаад нэг автобуснаас 30 гаруй сая төгрөг цавчсан байна. 224 автобус гэхээр 8 тэрбумыг цавцсан байна" гэж мэдээлж байв. 

 Их багтаамжийн дизель хөдөлгүүртэй улаан автобус 224 ширхэг худалдан авахаар "Golden Dragon" компанитай нийслэл 2022 он аравдугаар сарын 11-ны өдөр гэрээ байгуулсан.

Тухайн үед хотын удирдлагууд “Xiamen golden dragon bus”-ний нэг бүрийн үнийг 561,081 юань буюу 265 сая төгрөг гэж олон нийтэд танилцуулж байсан билээ. Гэвч тус үйлдвэрийн автобусны нэг бүрийн үнэ 640,781 юань гэж Аудитаас тогтоосон байдаг.


“Улаан” автобусыг аудитын дүгнэлтэд бичсэнээр, 305 саяар авсан уу, эсвэл гэрээ болоод НЗДТГ-аас мэдээлснээр 265.3 саяар авсан уу гэдэг асуудал үүссэн.Улмаар уг худалдан авалтыг АТГ-аас шалгаж эхэлсэн гэх мэдээлэл бий.

 Гэрээнд заасны дагуу 2023 оны зургадугаар сарын 25-наас 2024 оны арванхоёрдугаар сарын 25-ныг хүртэлх хугацаанд нийлүүлэх гэрээний хуваарьтай ч 2023 оны гуравдугаар сард багтаан 224 автобусыг бүрэн нийлүүлж авчээ.

 


10
angry
1
care
2
haha
7
liked
0
love
3
sad
2
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Шүүх шийдвэрээ гаргахаар түр завсарлалаа 14 цагийн өмнө
Драмын театрын урд талаас Багшийн дээдийн уулзвар хүртэл дулааны шугамыг шинэчилж байна 17 цагийн өмнө
Энэ хичээлийн жилд сурагчид музей, театр үзэж, эмчийн үзлэг, гамшгийн сургалтад хамрагдана 17 цагийн өмнө
Р.Булгамаа: Эрүүгийн хэрэгт өмгөөлөгчгүйгээр орох боломжгүй, хүний хувь заяа шийдэгдэх асуудал 18 цагийн өмнө
М.Алдартуяа: Охиныхоо дэргэд уйлж, сэтгэлийг нь үймүүлчихгүй юмсан гээд бараадаад зогсож байна 18 цагийн өмнө
Н.Өнөрцэцэг: Төрийн нууцыг хадгалсан юм бол дамжуулсан эзэн нь хэн юм бэ гэдгийг мэдмээр байна 20 цагийн өмнө
Нийтийн тээврийн чиглэлд өөрчлөлт орлоо 22 цагийн өмнө
III, IV хорооллын авто замыг хаана 22 цагийн өмнө
Дахин төлөвлөсөн 290 айлын орон сууцыг энэ оны IV улиралд ашиглалтад оруулна 22 цагийн өмнө
Н.Өнөрцэцэгийн шүүх хурал өмгөөлөгчгүйгээр хоёр дахь өдрөө үргэлжилж байна 23 цагийн өмнө
“Даншиг наадам-Хүрээ цам 2024” ирэх сарын 3, 4-ний өдрүүдэд болно Өчигдөр
Өнөөдрийн байдлаар 15 төрлийн 1,2 сая цэцэг суулгажээ Өчигдөр
Төрийн албаны тусгай шалгалт өнөөдөр болно Өчигдөр
Гурван өдөр хайж байсан иргэний цогцсыг олжээ Өчигдөр
Хуурайшилтын зэрэг ихтэй зургаан аймаг байна Өчигдөр
Сэтгүүлч Н.Өнөрцэцэгийн шүүх хурал өнөөдөр болно Өчигдөр
Б.Жавхлан МҮОХ-ны "Алтан од" одон хүртлээ 2024/07/17
Н.Ариунзаяа: Допингийн сэжигтэй дөрвөн сорьцын нэрийг зарлах эрт байна 2024/07/17
Допингийн шинжилгээнээс дөрвөн сэжигтэй тохиолдол илэрчээ 2024/07/17
​ШУТИС-ийн харьяа Олон улсын инженерийн сургууль байгуулна 2024/07/17