САГСАН БӨМБӨГ: Азийн аваргуудын лигийн урьдчилсан шатны тоглолтууд ирэх сарын 3-7ны өдрүүдэд болно

МСБХ-ноос өнгөрөгч 8 дугаар сард болсон ФИБА Конгрессын үеэр ФИБА-тай уулзаж тус лигт Монголын клубүүд, лигийн аварга багуудаа оролцуулах хүсэлтээ албан ёсоор тавьж Үндэсний дээд лигээ холбохоор төлөвлөн хамтран ажиллаж эхэлсэн юм. Өнгөрөгч оны 8 дугаар сараас эхэлсэн ФИБА-тай хийсэн хэлэлцээр үр дүнд хүрч МСБХ өнгөрсөн сард албан ёсны гэрээ байгуулж, өнөөдөр ФИБА-гаас албан ёсоор зарлалаа.  

 Тус гэрээний хүрээнд Монгол Улсад Азийн Аваргуудын лигийн тэмцээний урьдчилсан шатны тоглолтууд дөрөвдүгээр сарын 3-7 хооронд “UG Arena”-д зохион байгуулагдах тов гараад байна. Тэмцээний урьдчилсан шатанд МСБХ-ны Үндэсний Дээд Лигийн 2023-24 оны улирлын финалд шалгарсан хоёр баг өрсөлдөнө. Урьдчилсан шатанд Индонез улсын хоёр, Хонконг, Малайз, Сингапур, Тайланд улсуудын нэг нэг баг буюу нийт 8 баг оролцох юм.