“Google” компани​ хиймэл оюун ухаан ашиглахаар болжээ

“Google” компани хэрэглэгчдийнхээ насанд хүрсэн эсэхийг тодорхойлохын тулд хиймэл оюун ухаан ашиглахаар болжээ. Хүүхэд, эцэг эхчүүдэд зориулсан  шинэ дижитал хамгаалалтыг бий болгохын тулд хэрэглэгчдийн насыг тодорхойлох шинэ аргыг нэвтрүүлэхээр шийдвэрлэсэн байна. Энэхүү автоматжуулалтыг “YouTube” зэрэг “Google”-ийн бүтээгдэхүүнүүдэд ашиглана гэдгийг компанийн хэвлэлийн төлөөлөгч мэдээлжээ.

Хүүхдийн аюулгүй байдлыг хангахад чиглэсэн илүү оновчтой зохицуулалтыг бий болгохын тулд цахим платформуудад шахалт үзүүлж буй үед энэхүү алхмыг хийх гэж байна. Тус компани хиймэл оюунд суурилсан насны тооцооллоо цаашид олон улс оронд нэвтрүүлэх аж.