Сар шинийг тохиолдуулан 6 аймагт барилдаан болно

XVII жарны "Хөхөгчин" хэмээх Модон могой жилийн Сар шинийн баярыг тохиолдуулан энэ сард дараах барилдаанууд болох талаар Монголын үндэсний бөхийн холбооноос мэдээллээ.

Хэнтий аймаг

02.16-нд Өндөрхаан уулын хишиг хүчит 128 бөхийн барилдаан

Түрүү бөх 5 сая төгрөг

Үзүүр бөх 3 сая төгрөг

Булган аймаг

02.17-нд Таван аваргын нэрэмжит хүчит 128 бөхийн барилдаан

Түрүү бөх 10 сая төгрөг

Үзүүр бөх 5 сая төгрөг

Өмнөговь аймаг

02.21-нд Сар шинийн баярт зориулсан хүчит 128 бөхийн барилдаан

Түрүү бөх 5 сая төгрөг

Үзүүр бөх 3 сая төгрөг

Увс аймаг

02.21-нд Сар шинийн баярт зориулсан хүчит 128 бөхийн барилдаан

Женев хот, Швейцар улс

02.22-23-нд Европ дахь Монголчуудын сар шинийн баярт зориулсан хүчит 128 бөхийн барилдаан

Сүхбаатар аймаг

02.23-нд Сар шинийн баярт зориулсан хүчит 128 бөхийн барилдаан

Түрүү бөх 5 сая төгрөг

Үзүүр бөх 3 сая төгрөг

Дорнод аймаг

02.24-нд Сар шинийн баярт зориулсан хүчит 128 бөхийн барилдаан болно.

Сонирхуулахад, Монголын үндэсний бөхийн холбооны Бүгд Найрамдах Солонгос Улс дахь салбар холбоо байгуулагджээ. Өнөөдрийн байдлаар Солонгос улсад 55.000 орчим монгол иргэн ажиллаж, амьдарч байгаа бөгөөд тэд өөрсдийн идэвх санаачлагаар хилийн чанадад үндэсний бөхийг түгээн дэлгэрүүлэн ажиллаж байна. Солонгос улс дахь салбар холбооны Удирдах зөвлөлийн даргаар Кеннам аймгийн Иргэдийн төлөөлөгчийн хурлын гишүүн, Монгол Улсын иргэн Н.Мөнхзаяа, Гүйцэтгэх захирлаар сумын заан Дашпунцагийн Ядмаа нар ажиллахаар болсон бөгөөд МҮБХ-ны тэргүүн Ц.Магалжав салбар холбооны тамга, гэрчилгээг гардуулан өгч цаашдын ажилд нь амжилт хүсэв.