Янник Синнер эрхээ хасуулжээ

Дэлхийн чансааг тэргүүлж буй Италийн теннисчин Янник Синнерийн сэргээшийн шинжилгээний хариу эерэг гарсантай холбогдуулан тэмцээнд оролцох эрхийг нь хасахаар шийдвэрлэсэн гэж Дэлхийн сэргээшийн эсрэг агентлаг /WADA/ бямба гарагт мэдэгджээ. Италийн теннисчин хууран мэхлэх ямар нэг санаагүй байсан ба клостебол нь тамирчны гүйцэтгэлийг сайжруулах үр нөлөөгүй бөгөөд түүнийг дагалдан яваа хүмүүсийн хайхрамжгүй байдлын улмаас ийм нөхцөл байдал үүссэн гэдгийг WADA хүлээн зөвшөөрчээ. Я.Синнерийн эрхээ хасуулах хугацаа хоёрдугаар сарын 9-нөөс тавдугаар сарын 4 хүртэл үргэлжилнэ. Дэлхийн чансааг тэргүүлж буй тэрээр дөрөвдүгээр сарын 23-наас эхлэн албан ёсны бэлтгэл сургуулилалтдаа оролцох эрхтэй болно.