Ж.ЭРДЭНЭБАТ: КОНЦЕССЫГ ТА НАМЫНХАА БҮЛГИЙН ДАРГААС АСУУ

УИХ-ын Төрийн байгуулалтын байнгын хороогоор Засгийн газрыг огцруулах асуудлыг хэлэлцэж эхэлээ. Байнгын хорооны хуралдаан 89,5 хувийн ирцтэй хуралдаж байгаа юм.

УИХ-ын гишүүн Л.Болд: "Хичнээн гишүүн "Засгийн газрыг огцруулахаар шийдэж гарын үсэг зурсан бэ?

УИХ-ын гишүүн Т.Аюурсайхан: Гарын үсэг зурсан 30 гишүүнээс хэн нь ч шийдвэрээсээ буцаагүй, эдгээр хүмүүс өөрийн итгэл үнэмшлээрээ гарын үсэг зурсан. Эдгээр 30 гишүүн өндөр эрсдэл гаргаж гарын үсэг зурсан, эдгээр хүмүүс сайд болохгүй" гэж хариулав.

‬ ‪УИХ-ын гишүүн Л.Болд: 60 тэрбум төгрөгийн авилгын асуудал, 800 тэрбум төгрөгийн концессын асуудал яригдаад байна. Үүн дээр тайлбар өгөөч?

‬ ‪Монгол Улсын Ерөнхий Сайд Ж.Эрдэнэбат: 60 тэрбум төгрөгийн асуудлаар өмнө нь би олон удаа тайлбар хийж байгаа. Хэрвээ Ж.Эрдэнэбат гэдэг хүн 60 тэрбум төгрөгтэй холбогдож хэн нэгнээс мөнгө авч томилгоо хийсэн бол сайн дураараа огцроё" гэж хэлсэн. ‬ ‪Концессын хувьд та намынхаа бүлгийн даргаас асуу. Өмнө явуулж байсан ажлыг үргэлжлүүлж цэцэрлэг, сургууль, авто зам тавьсан" гэх хариултыг өглөө.‬