АНУ-ын ерөнхийлөгч Доналд Трамп Мексикээс импортоор оруулж ирж буй бараа бүтээгдэхүүнд татвар ногдуулж, татварын орлогыг хана барихад зарцуулахаар төлөвлөсөн тухай мэдээлэл энэ оны эхнээс идэвхтэй яригдах болсон билээ. Тэгвэл Ерөнхийлөгч Д.Трамп Америк, Мексикийн хил дээр хана барина гэсэн байр сууриа бодит ажил хэрэг болгон хилийн зурвас дээр барилгын ажлыг эхлүүлснийг олон улсын хэвлэлүүд онцлон мэдээлж байна.
Ямар ч байсан эхлээд Сан Диего хотын орчим хэд хэдэн хэсэгт хана босгох үйл ажиллагаа эхэлжээ. Цаашлаад 8 загвар хана барих төлөвлөгөөтэй байгааг АНУ-ын Гааль, хилийн хамгаалалтын алба мэдээлж байгаа юм.
Мексикийн ерөнхийлөгч Энрике Пенья Ньето Д.Трампын тааллаар хийгдэж буй уг ажиллагаанд хэзээ ч мөнгө гаргахгүй гэсэн байр суурийг хэдэнтээ илэрхийлсэн юм. Гэсэн АНУ цэрэг, хууль хүчний байгууллагынхны дэмжлэгтэйгээр хана босгох үйл ажиллагаагаа эхлүүлээд байна.
М.Болджин
Сэтгэгдэл (0)
Сэтгэгдэл бичигдээгүй байна