ДЭЛХИЙД 17 СЕКУНД ТУТАМД НЭГ, МОНГОЛД ХОЁР ХОНОГ ТУТАМД НЭГ ХҮН АМИА ХОРЛОЖ БАЙНА

Дэлхийд жилд дунджаар 900 орчим мянган хүн амиа хорлодог байна. Харин манай орны хувьд амиа хорлосон, хорлохыг завдсан тохиолдлын тоо, давтамж, тархалт сүүлийн жилүүдэд хүчтэй өсч байгаа нь олон нийт болоод хууль хяналтын байгуулгынхнын сэтгэлийг түгшээх болжээ. Жил бүр цагдаагийн газраас гаргадаг гэмт хэргийн мэдээллийг ажиглахад, амиа хорлох үзэгдэл жил ирэх тутам өссөн байгааг харж болно. Тухайлбал, улсын хэмжээнд 1990 онд 42 хүн амиа хорлож байсан бол 2000 онд 146, 2003 онд 208, 2008 онд 340, 2011 онд 167 хүн амиа хорлосон бол өнгөрсөн онд 170 хүн амиа хорложээ.