ЦАЙЗ ЗАХ ОРЧМЫН ЗӨВШӨӨРӨЛГҮЙ ХУДАЛДАА ЭРХЛЭГЧДЭД ШААРДЛАГА ХҮРГҮҮЛЛЭЭ

Иргэдээс ирүүлсэн гомдлын дагуу Баянзүрх дүүргийн 19 дүгээр хорооны нутаг дэвсгэр Цайз зах орчимд нийтийн эзэмшлийн зам талбайд худалдаа үйлчилгээ эрхлэн, орчныг бохирдуулж оршин суугч, иргэдийн эрүүл мэндэд сөргөөр нөлөөлж буй байдлыг газар дээр нь шалгах, илэрсэн зөрчлийг арилгуулах, цэгцлэх, цаашид авч хэрэгжүүлэх арга хэмжээний санал боловсруулах ажлын хэсэг өнөөдөр хуралдлаа.

Тус ажлын хэсэгт дүүргийн эдийн засгийн хөгжлийн асуудал хариуцсан Засаг даргын орлогч Д.Уламбаяр, Улаанбаатар хотын Захирагчийн ажлын албаны Хүнс, худалдаа үйлчилгээний хэлтэс, дүүргийн Хүнс, худалдаа үйлчилгээний хэлтэс, Тохижилт нийтийн аж ахуйн хэлтэс, Газрын харилцааны алба, Мэргэжлийн хяналтын хэлтэс, Онцгой байдлын хэлтэс, Цагдаагийн нэгдүгээр хэлтэс болон Замын цагдаагийн хэлтэс ажиллаж байна. Ажлын хэсэг өнөөдөр үүсээд буй нөхцөл байдалтай газар дээр нь очиж танилцаж, зөвшөөрөлгүй худалдаа эрхэлж буй иргэдэд шаардлага тавьж байна