Гэрлүүгээ орох гээд цахилгаан шат хүлээгээд зогсч байсан эмэгтэйг боож унагаан зодож дээрэмдэхийг завдсан залууг цагдаагийн байгууллагаас 6 цагийн дотор илрүүлэн баривчилсан.
Тодруулбал, энэ сарын 19-ний өдөр Баянгол дүүргийн 6 дугаар хорооны нутагт байрлах "Сити" 18-р байрны 2-р орцонд Б.У-гийн эд хөрөнгийг хүч хэрэглэж, довтолсон гэх хэрэгт Эрүүгийн хуулийн тусгай ангийн 17.2 дугаар зүйлийн 2 дахь хэсэгт зааснаар яллагдагчаар татсан Баянгол дүүргийн эрүүгийн хэргийн анхан шатны шүүхэд болсон хурлаар сэжигтэн Б.Баярцогыг 1 сарын хугацаагаар цагдан хорихоор шийдвэрлэжээ.
Түүний хувьд өмнө нь хулгай дээрмийн хэргээр ял шийтгэл эдэлж байсан нэгэн билээ.
Сэтгэгдэл (0)
Сэтгэгдэл бичигдээгүй байна