МУУРААС ХҮНД ДАМЖИХ ШИМЭГЧ ШИЗОФРЕНИ

Копенгагенийн их сургуулиас явуулсан шинэхэн судалгааны үр дүнд муураас хүнд халддаг шимэгчийн улмаас шизофрени өвчин сэдрэх, хүндрэх магадлал даруй тавин хувиар нэмэгддэг болохыг олж мэджээ. Эрдэмтэд 80 мянга орчим хүний мэдээллийг судалж үзэхэд 2591 хүн сэтгэцийн өвчтэй байж таарсан байна. Токсоплазма гондии хэмээх шимэгч нь хор хөнөөл байхгүй, гол төлөв муурын биед үржиж, хоолны сав, хэвтэр, түүхий махаар дамжин тархдаг. Гол нь энэ шимэгч нь сэтгэцийн өөрчлөлттэй холбоотойг эрдэмтэн анзаарч мэдсэн байна. Энэ шимэгчээр халдварласан хүмүүс бүгд мууртай байх бөгөөд хэт азаа турших, депресст амархан ордог зэрэг нь зайлшгүй холбоотой гэж доктор Кристоффер Сөлвстен Бургдорфийн багийнхан тайлбарлалаа. Үүний учир нь шимэгчээс ялгардаг триптофан хэмээх амин хүчлийн нөлөө байж болох аж. Триптофанаас шизофрени өвчин хүндэрсэн үед илэрдэг кинюренийн хүчлийн шүүрэл үүсдэгтэй холбоотой гэсэн үг.