МАЙКРОСОФТИЙН МЭРГЭЖИЛТЭН ИНТЕРНЕТ ЭКСПЛОРЕР ХӨТӨЧИЙГ ХЭРЭГЛЭХГҮЙ БАЙХЫГ УРИАЛЛАА

Компьютерийн програм хангамжийн салбарт манлайлагч Майкрософт компанийн кибер аюулгүй байдлын мэргэжилтэн Крис Жексон хэрэглэгчдэдээ хандан тус компанийн бүтээгдэхүүн болох Интернет Эксплорер хөтөчийг хэрэглэхээ нэн даруй зогсоохыг уриалсан байна. Албан ёсны мэдээллээр Майкрософт компани 2015 оноос хойш тус интернет хөтөчийг хөгжүүлэхээ больсон учир өөр шинэ үеийн хөтөч ашиглах нь зөв хэмээн тэрээр онцолжээ. Нэгэнт дахин хөгжүүлэхээ больсон интернет хөтөч сүүлийн үеийн интернет болон веб стандартад нийцэхээ хэдийнэ больжээ. Энэ ч утгаараа Интернет Эксплорер хөтөчийг хэрэглэснээр өөрийн тань онлайн дахь мэдээлэл аюулд унах эрсдэл өндөртэйг анхааруулсан байна. Мөн хуучирсан хөтөчийг хэрэглэснээр албан байгууллага болон хувь хүн түүнийг сайжруулах оролдлого хийж, үр ашиггүй, илүүдэл зардал гаргах нь олширч байна гэж Крис Жексон сануулав