Америкийн Дуу бичлэгийн академиас дуу хөгжмийн салбарын шилдгүүдийг тодруулдаг Грэмми наадам өнөөдөр Лос Анжелосын Стейплес театрт болж байгаа билээ. Нэр хүнд бүхий уг наадмын нээлт буюу улаан хивсний ёслолд хүрэлцэн ирсэн алдартнуудаас хамгийн онцгүй хувцасласан хүмүүсийг хэвлэлийнхэн онцолж байна. Тэдгээрийн дунд Кейти Перри, Жэй-Ло, Карди Би, Тони Бракстон нарын гоо үзэсгэлэн, уран чадвараараа шагшигдсан дуучид хамгийн ихээр анхаарал татаж буй.
Карди Би
Реппер Карди Би энэ жил Грэмми наадамд ирэхдээ бүсэлхий хэсгээрээ задгай, загасан сүүл бүхий хормойтой бүдэг ягаан даашинзаар гоёжээ. Тэрээр энэ хувцасныхаа талаар ямар нэгэн онцгой тайлбар хийгээгүй байна.
Кейти Перри
Дуучин Леди Гагагийн араас өвөрмөц хувцаслалтаараа олныг гайхшруулж ирсэн Кейти Перри ягаан өнгийн сагсгар хормойтой, дээгүүрээ хэт бариун даашинз өмсч иржээ. Зарим хэвлэлээр тэрнийг "Хөөсөн чихэр" гэж хочлоод амжжээ.
Кайли Женнер
Тони Бракстон
Дуучин Жэй-Ло 2000 онд болсон Грэммигийн наадмын улаан хивсний ёслолд Версачи брендийн нэвт харагддаг даашинз өмсч ирснээс хойш алдартнуудын дунд биеийнхээ ихэнхи хэсгийг ил гаргасан даашинз өмсөх хандлага дэлгэрсэн. Тэгвэл алдарт дуучин Тони Бракстон энэ уламжлалыг алдагдуулахыг хүсээгүй бололтой.
Жэй-Ло
Дээр дурдсанчлан шинэ хандлага үүсгэж явсан Жэй-Ло энэ удаад хуучинсаг хэв маягийг чухалчилсан нь загварын мэргэжилтнүүдээс тун доогуур үнэлгээ авлаа.
Жой Вилла
Дуучин Жой Вилла энэ жилийн Грэммид улс төрийн сэдэвтэй хувцаслажээ. Тэрээр АНУ-ын Ерөнхийлөгч Дональд Трампийг анхнаасаа дэмжиж ирсэн бөгөөд хормой дээрээ "Хана барь" гэсэн бичиг бүхий даашинзаар гангарчээ.
Сэтгэгдэл (0)
Сэтгэгдэл бичигдээгүй байна