САРД 500 ГАРУЙ ИРГЭН СОЛОНГОСТ ХУУЛЬ БУСААР ОРШИН СУУХЫГ СОНГОЖ БАЙНА

Монголд улс дахь БНСУ-ын элчин сайдын яамд өдөрт 700-800 хүн визийн хүсэлт өгч байна. Солонгос улсын хилээр нэвтэрсэн хүмүүс дундаас сард дунджаар 500-аас дээш хүн хууль бусаар оршин суухаар үлдэж байгаа аж. Иймээс БНСУ-ын элчин сайдын яамнаас визийн материалыг илүү нарийн шалгах шаардлагатай байгааг дуулгасан байна. Иймээс өнгөрсөн хугацаанд хуримтлагдсан материалууд болон хойшид визийн хүсэлт өгч буй Монгол иргэдийн визийн материалыг хамгийн багадаа 50 өдөр (ажлын өдөр, 10 долоо хоног) болон түүнээс дээш хугацаа зарцуулагдах болсныг мэдэгджээ.
Хүндэтгэх шалтгааны улмаас(Солонгос улсад яаралтай хагалгаанд орох эсвэл олон улсын арга хэмжээнд оролцох) яаралтай виз авах хүсэлтэй байгаа тохиолдолд төлөөлөн гүйцэтгэх байгууллагад материалаа бүртгүүлэхдээ "яаралтай виз гаргах хүсэлт" бөглөж өгөх боломжтой бөгөөд нөхцөл байдлаас хамааран хариуг олгодог юм байна.