“ЭРДЭНЭС-ТАВАНТОЛГОЙ” ХК 50 САЯ ДАХЬ ТОНН НҮҮРСЭЭ ОЛБОРЛОЛОО

"Эрдэнэс-тавантолгой" ХК өнгөрөгч 2018 онд төлөвлөсөн бүх зорилтуудаа 2-3 дахин давуулж биелүүлэн, олон үзүүлэлтээр улсдаа тэргүүлсэн. Түүхэн хугацаандаа 40 сая дахь тонн нүүрсээ 2018 оны 7-р сард олборлосон. Тэгвэл өнөөдөр бас нэг шинэ түүхийг бичиж, Цанхийн уурхайгаас нийт 50 сая дахь тонн нүүрсээ олборлолоо. 50 сая дахь тонн нүүрсийг "Эрдэнэс-Тавантолгой" ХК-ийн А ээлжийн экскаваторын оператор Р.Мөнх-Ирээдүй САТ-390 маркийн экскаватороор ухаж ачсан бол автосамосвалын оператор Ж.ПүрэвдоржCAT-773 маркийн автосамосвалаар ачиж тээвэрлэв. "Эрдэнэс-Тавантолгой" ХК 2019 оныг "БҮТЭЭН БАЙГУУЛАЛТЫН ЖИЛ" болгон зарласан. Төрийн өмчит компаниудаас анх удаа олон улсын хөрөнгийн зах зээлд хувьцаа гаргахаар УИХ, ЗГ-аас өгсөн үүрэг чиглэлийн дагуу шаргуу ажиллаж байна.IPO гаргаснаар нүүрс угаах үйлдвэр, туузан дамжуургын систем, усан хангамж, кокс химийн үйлдвэр, Тавантолгой- Гашуун сухайт чиглэлд авто болон төмөр зам барих гэх мэт томоохон төслүүдийн санхүүгийн эх үүсвэрийг бүрдүүлж, бүтээн байгуулалтын ажил эхлэнэ. "Эрдэнэс-Тавантолгой" ХК-иар овоглосон нийт уурхайчид, албан хаагчиддаа түүхэн энэ өдрийн мэндийг компанийн Төлөөлөн удирдах зөвлөлийн дарга М.Баяраа, "Эрдэнэс-Тавантолгой" ХК-ийн гүйцэтгэх захирал Б.Ганхуяг нараас хүргэж, их бүтээн байгуулалтын жил 2019 ондоо хөгжил дэвшил шинэ бүтээн байгуулалтын олон ажлыг эхлүүлж, амжилт бүтээлээ бататган, хамтдаа илүү ихийг бүтээхийг хүслээ.