АЗИЙН 3.3 БҮСИЙН АВАРГА ШАЛГАРУУЛАХ ШАТРЫН ТЭМЦЭЭНИЙГ ТӨРИЙН БАНК ДЭМЖИН АЖИЛЛАЖ БАЙНА

2016 оноос хойш Монголын шатрын холбоо, Төрийн банк хамтын ажиллагааныхаа хүрээнд Монгол хүний оюун ухаан чадамжийг дэлхийд таниулан сурталчилах зорилготойгоор ажиллаж иржээ.

Хамтын ажиллагааны хүрээнд Ази тивийн 3.3 бүсийн аварга шалгаруулах шатрын тэмцээнийг Төрийн банк дэмжигч байгууллагаар ажиллаж байна. Энэхүү тэмцээн нь Ази тивийн аварга шалгаруулах тэмцээний дараа орох тивийн 2 дахь том тэмцээн юм.

Ази тивийн 3.3 бүсийн аварга шалгаруулах шатрын тэмцээний 9 өргийн дараах жагсаалтын шилдэг 2 эрэгтэй шатарчин Дэлхийн Цом-д оролцох эрх, шилдэг эмэгтэй шатарчин Эмэгтэйчүүдийн Дэлхийн аварга шалгаруулах тэмцээнд тус тус оролцох эрх авдаг.

Энэ эрхийн төлөө

1.Вьетнам

2.Малайз

3.Мянмар

4.Индонез

5.Өмнөд Солонгос

6.Хонгконг

7.Филиппин

8.Монгол зэрэг 8 орны 90 гаруй тамирчид оюун ухаанаа сорьж байна.

Олон улсаас 2017 оны Монголия- Опен тэмцэээнд түрүүлж байсан, Индонез улсын тамирчин Их мастер Susanto Megaranto, Вьетнам улсын тамирчин Их мастер Tran Minh Thang, 2018 оны Монгол Улсад зохиогдсон Ази тивийн залуучуудын аварга, Индонез улсын тамирчин Олон Улсын мастер Novendra Priasmo, Вьетнам улсын Олон Улсын мастер Tran Tuan Minh, Монгол Улсаас Их мастер Б. Хатанбаатар, Б.Гүндаваа, Ц.Батчулуун, Б.Мөнгөнтуул тэргүүтэй Олон улсын мастерууд оролцож байна.

Тэмцээний Ерөнхий шүүгчээр Олон Улсын шүүгч Г.Оюунчимэг, Орлогч шүүгчээр Фиде шүүгч Б.Нямдаваа, Олон Улсын шүүгч Jamie Kenmure (press, web)нарын тэргүүтэй 11 хүний бүрэлдэхүүнтэй баг ажиллаж байна.