ҮХСЭН МАЛЫН МАХАНД МАЛЫН ЭМЧ Ж.ОНГАР ХУУРАМЧ ГЭРЧИЛГЭЭ ОЛГОЖЭЭ

2019 оны 4 дүгээр сарын 08-ний өдрийн 14:00 цагийн үед Баян-Өлгий аймгаас Улаанбаатар хот руу 20 гаруй тонн эрүүл ахуйн шаардлага хангаагүй үхрийн мах ачсан том оврын тээврийн хэрэгсэл Улаанбаатар хот орох замд Эмээлтийн авто тээврийн шалган нэвтрүүлэх постын хяналт шалгалтаар илэрч саатуулагдсан талаар TV5 телевизээр орон даяар цацагдсан билээ. Тухай үед тээвэрлэсэн махтай дагалдаж яваа Мал эмнэлгийн ариун цэврийн гарал үүслийн гэрчилгээнд тус махыг Өлгий сумын иргэн Ерлан ачуулж, Улаанбаатар хотын Цансэнтианий ХХК гэх Хятад нэртэй компани хүлээж авахаар бичигдсэн бөгөөд гэрчилгээг малын их эмч Ж.Онгар олгож, Өлгий сумын Мал эмнэлгийн хяналтын улсын байцаагч Х.Баршагүл, Өлгий сумын 13 дугаар багийн Засаг дарга К.Рысбай нар хянан баталгаажуулсан талаар бичигдэж, тамга тэмдэг дарагдсан байв.

Энэхүү асуудлын талаар Баян-Өлгий аймгийн Мэргэжлийн хяналтын газраас Зөрчлийн хэрэг нээж шалгах явцад дээрх саатуулагдсан 20 гаруй тонн үхрийн махыг Өлгий сумын иргэн М, түүний эхнэр М, эхнэрийн дүү болох Х.Ерлан нар янз бүрийн хүмүүсийн гар дээрээс гарал үүслийн гэрчилгээгүй махыг захын үнээс хямд үнээр худалдан авч цуглаж, хадгалж байсан нь тогтоогдов. Харин энэхүү махыг Улаанбаатарын иргэн Баярхүү захиалж, нийт 60 сая төгрөгөөр 20 гаруй тонн мах бэлтгүүлсэн нь, Мал эмнэлэг, ариун цэврийн гарал үүслийн гэрчилгээнд Өлгий сумын Мал эмнэлгийн хяналтын улсын байцаагч Х.Баршагүл, 13 дугаар багийн Засаг дарга К.Рысбай нар хянаж баталгаажуулаагүй, тэдний гарын үсгийг хуурамчаар үйлдэж, хуурамч гарал үүслийн гэрчилгээг Ж.Онгар олгосон болох нь, мөн уг гэрчилгээнд багийн Засаг даргын тамгыг ямар тамга гэдэг нь мэдэгдэхээргүй бүдэг дарсан. Өлгий сумын Мал эмнэлгийн хяналтын улсын байцаагчийн тэмдгийг хүчингүй болсон Мэргэжлийн хяналтын байгууллага нэгдсэн тогтолцоонд шилжихээс өмнөх Мал эмнэлгийн хяналтын улсын албаны /2003 оноос өмнөх/ тэмдгийг дарж хуурамчаар үйлдсэн болох нь гэрч холбогдогч нарын мэдүүлгээр тогтоогдов. 20 гаруй тонн махыг одоогоор Улаанбаатар хотод шинжилгээнд хамруулж байгаа ба шинжилгээний дүнг үндэслээд хэрхэх асуудлыг шийдвэрлэнэ. Одоогоор Зөрчлийг шалгаж байгаа бөгөөд цаашид гэмт хэргийн шинжтэй бол эрүүгийн хэрэг үүсгэн шалгуулахаар Прокурорын байгууллагад шилжүүлэх болно. Жич: Иргэн "М" нь 2019 оны 02 дугаар сарын 26-ны өдөр Мэргэжлийн хяналтын газрын байцаагч нарын хяналт шалгалтаар эрүүл ахуйн шаардлага хангаагүй, үхсэн малын махыг бэлтгэн хадгалж байсан зөрчлийг илрүүлж, махыг хураан авч, устгаж, дахин энэ төрлийн зөрчлийг давтан гаргахгүй байх талаар сануулга өгч, Мэргэжлийн хяналтын газраас торгуулийн арга хэмжээ тооцож байсан болно. Зарим хариуцлагагүй мөнгө олохын тулд юу ч хийхээс буцахгүй хүмүүсийн хууль бус үйлдлээс болж аймаг, тухай аймгийн иргэд, Мэргэжлийн хяналтын байгууллага болно бусад төрийн байгууллагуудын нэр хүндийг унагааж олон нийтэд сөрөг мэдээлэл түгээх, буруу ойлголт өгөх явдлыг таслан зогсоохыг мэдэгдье. Харин ард иргэд мал эмнэлгийн гарал үүслийн гэрчилгээгүй, мах махан бүтээгдэхүүнийг гар дээрээс хямд үнээр худалдан авахгүй байхыг СЭРЭМЖЛҮҮЛЖ БАЙНА. Энэ асуудлын талаар 2019 оны 4 дүгээр сарын 10-ны өдрийн 12 цагт холбогдох албаны хүмүүс Баян-Өлгий аймгийн Мэргэжлийн хяналтын газрын зүгээс телевиз, олон нийтийн мэдээллийн хэрэгслүүдээр хэвлэлийн хурал зохион байгуулж олон нийтэд үнэн зөв мэдээлэл хүргүүлэх болно.


Сэтгэгдэл (7)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 04 сарын 12  [ 202.179.31.55 ]
Зочин

Казах түмний, төрөлх аймгийн, малын эмчийн нэр хүндийг гутаасанд гүнээ харамсаж байна. Нүдээр үзээгүй байж, эрхийн дагуу МЭ-н гэрчилгээ бичиж, өмнөх өөрийн байцаагчийн тамгыг хэнэггүй дарж, яарч байна, чанартай намар нядалж, хөргөх зөөрьд хадгалсан малын мах гэсэн танил нөхдийн үгэнд итгэснээс боллоо. Миний шударгаар амьдарч, өндөр амжилтад хүрснийг мэдэх хүмүүс олон бий гэдэгт эргэлзэхгүй байна. Би өнөөдөр сэтгэл санаагаар унаж, оюун санаа хямарсан байгаа тул мэдээллээ бүрэн өгч чадахгүй байгааг хэлэхийн ялдамд хүнд итгэхэд анхаарал болгоомжтой байхыг захиа. Амьдарлд ганц ч удаа болов алдаж байсан хүн байвал намайг ойлгоорой. Уучлаарай. Ж.Онгар

2019 оны 04 сарын 12  [ 202.179.31.55 ]
Зочин

Ж.Онгар. Сайн байцгаан уу? сош ертөнцийн нөхөд өө, Та бүхэнд мэдээлэл өгөхөөс ичиж, хэд хоног дуугүй байсан боловч учир байдлын захаас товч дуурдаж хүлцэл өчих нь зүйтэй гэж үзэв. Үнэхээр гэмшиж, дээшээ тэнгэр хол, доошоо газар хатууг туулж байна.

2019 оны 04 сарын 11  [ 66.181.190.9 ]
Зочин

Цааш санаатай,хар хасаг,халхыг үхсэн мал цуглуулж махыг нь өгч даапаалдаг юм бна.Энэ амташсан нөхөр байж таараа. Энэ аймаг татвар нийгмийн даатгал бараг төлдөггүй байж хамгийн их халамж авдаг, үй олон хүүхэд хөгшид,үхсэн хүнийхээ тэтгэвэр авах талаар алдартай. Улс төрчид нь дандаа улсын нууц алдуулж,зугатааж гарсан,ийм л хүмүүс

2019 оны 04 сарын 10  [ 66.181.165.240 ]
Зочин

энэ бол террор мөн ш дээ.биологийн хорлон сүйтгэл гэж харж байнаа.баян өлгийхөн монголчуудад турж үхсэн малын мах идүүлж таашаал авч байгаа юм биздээ.нутаггүй гуйлагчилж явахад нь өөд нь татсаны шанг сайхан өгч байнадаа.

2019 оны 04 сарын 10  [ 122.201.22.245 ]
Зочин

Сэтгүүлч нарыг хэлмэгдүүлэн хэдэн саяаар торгоод байсан. ОДОО ийм аюултай ажил хийж байгаа луйварчдад хатуухан ял өгөх ёстой

2019 оны 04 сарын 10  [ 202.179.26.226 ]
Зочин

энэ террор халдлага мөн үү?

2019 оны 04 сарын 10  [ 103.212.117.62 ]
Зочин

Махны худалдаачид малын эмч ,мал эмнэлэгийн тамга тэмдэгтэй баланк бөөнөөр авчихсан өөрсдөө нөхөн бичээд, тамга тэмдэг дээр байгаа хаягаараа тэр аймгаас ирсэн гэж хэлээд зогсдог юм билээ. Худлаа хэлж байгаа нь баригдахаараа чадаж байхад аргагүй гээд даапаална.

Top