УИХ дахь МАН-ын бүлэг өчигдөр хуралдаж, Монголбанкны Ерөнхийлөгч болон СЗХ-ны даргад нэр дэвшигчдийг хэлэлцсэн. Бүлгээс Монголбанкны ерөнхийлөгчөөр тус банкны дэд ерөнхийлөгч Б.Лхагвасүрэнг томилохыг дэмжсэн. Харин өнөөдрийн УИХ-ын чуулганы нэгдсэн хуралдаанаар Б.Лхагвасүрэнг томилохыг гишүүдийн 76.2 хувийн саналаар дэмжигдлээ.
Б.Лхагвасүрэн нь 1965 онд Улаанбаатар хотод төрсөн. 1985-1989 онд МУИС-ийг Төлөвлөгч-эдийн засагч мэргэжлээр төгсөж, улмаар 1998-1999 онд АНУ-ын Колумбийн их сургуульд олон улсын харилцааны эдийн засгийн мастерын зэрэг хамгаалжээ.
Тэрбээр 1989-1994 онд Улсын төлөвлөгөөний комисс, ШУА-ийн харьяа Эдийн засгийн хүрээлэнд эрдэм шинжилгээний ажилтан, 1994-1998, 2000-2013 онд Монголбанкинд эдийн засагч, ахлах эдийн засагч, Хяналт шалгалтын газрын захирал, Монголбанкны Ерөнхийлөгчийн туслах, Бүртгэл, тооцоо, мэдээллийн технологийн газрын захирал, Банкны сургалтын төвийн захирал, 1999-2000 онд Дэлхийн банкны Вашингтон дахь төвд Зүүн хойд Ази, Номхон далайн орнуудын санхүүгийн секторт зөвлөх, 2013 оноос Хадгаламжийн даатгалын корпорацийн Гүйцэтгэх захирлаар, Монголбанкны дэд ерөнхийлөгчөөр тус тус ажиллаж иржээ.
Сэтгэгдэл (0)
Сэтгэгдэл бичигдээгүй байна