2020/07/02
USD 2,811

Цэцийн даргыг сонгох хурал өнөөдөр 11.00 цагаас эхэлнэ

Н.Мичидмаа
2019/11/29

Үндсэн хуулийн цэцийн шинэ даргыг сонгох цэцийн гишүүдийн хурал өнөөдөр 11.00 цагт болно. Монгол Улсын Үндсэн хууль дахь Цэцийн тухай хуульд "Цэцийн даргаар сонгох хүний нэрийг Цэцийн гишүүд дотроосоо дэвшүүлэн хуралдаанаараа хэлэлцэж, саналыг нууцаар хурааж нийт гишүүний олонхын санал авсан хүнийг сонгоно" хэмээн заасны дагуу санал хураалт явагдана. ҮХЦ-ийн есөн гишүүн зургаан жилийн хугацаатай УИХ, ЕТГ, Улсын дээд шүүхээс оруулсан саналын дагуу томилогддог. Тэдний хоёрынх нь буюу Улсын Дээд шүүхээс санал оруулан, томилогдсон Д.Солонго, Ш.Цогтоо нарын гишүүдийн бүрэн эрхийн хугацаа ирэх 12 дугаар сарын 26-ны өдөр дуусгавар болох юм. Өөрөөр хэлбэл, ҮХЦ-ийн шинэ даргаар Д.Солонго, Ш.Цогтоо, Д.Одбаяр нараас бусад зургаан гишүүний нэг нь сонгогдоно гэсэн үг. ҮХЦ-ийн гишүүн Гунгаагийн Баясгалан, Шилагарьдын Солонго, Батсүхийн Буяндэлгэр, Цагааны Нанзаддорж, Гомбожавын Туулхүү, Намжилын Чинбат нар байна.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.131.247.170 |   2019/11/29
Бүгд хэрэггүй,,,Даанч дээ Дандаа яс горьдсон хөгшин ,,,нууд шдээ
Хариулах