ОХУ-д айлчилж байгаа Монгол улсын Ерөнхий сайд У.Хүрэлсүх ОХУ-ын Ерөнхий сайд Дмитрий Медведевтэй хийсэн хэлэлцээний дүнгээр хоёр улсын Засгийн газар цахилгаан эрчим хүчний салбарт хамтран ажиллах гэрээнд гарын үсэг зурсан тухай ТАСС агентлаг мэдээлж байна.
Түүнчлэн ОХУ-ын Тээврийн яам ба Монголын Зам тээврийн яам нь Төмөр замын мэргэжлээр Монголын иргэдийн ОХУ-ын холбогдох чиглэлийн сургуулиудад сургах тухай гэрээнд гарын зуран байна. Мөн ОХУ-ын Худалдаа аж үйлдвэрийн яам нь Монголын Хүнс, хөдөө аж хуй, хөнгөн үйлдвэрийн яамтай хамтын ажиллагааны санамж бичигт гарын үсэг зурсан байна.
Үүнээс гадна Оросын түүхий эдийн бус экспортыг дэмжих, экспортлогч компаниудад санхүүгийн болон бусад дэмждэг үзүүлдэг "РЭЦ" хувьцаат нийгэмлэг ба Монголын "Худалдаа хөгжлийн банк" нь Монгол-Оросын худалдааг дэмжих салбарт хамтран ажиллах гэрээ байгуулсан. Оросын "Зарубежгеология" ба Монголын "Эрдэнэт үйлдвэр" компаниуд геолог-геофизик болон инженер-геологийн судалгаа явуулахад хамтран ажиллах гэрээ байгуулсан байна.
Оросын "РЖДИнтернэшнл" компани нь Таван толгой-Зүүн баян чиглэлийн төмөр зам барих ажилд техникийн консалтингийн үйлчилгээ үзүүлэх талаар "УБТЗ" компанитай гэрээ байгуулжээ.
Мөн уулын олборлох салбарын хүнд машин механизм үйлдвэрлэдэг "УЗТМ-КАРТЭКС" компани нь "Эрдэнэс Монгол" компанитай стратегийн түншлэлийн санамж бичигт гарын үсэг зурсан. Арьс шир боловсруулах чиглэлээр үйл ажиллагаа явуулдаг "Русскаякожа" компани нь Монголын "Хөдөө аж ахуйн бирж"-тэй арьс шир нийлүүлэх санамж бичигт гарын үсэг зурсан, Оросын Ерөнхийлөгч ба Засгийн газрын санаачилгаар байгуулагдсан бүс нутгийг хөгжүүлэхэд урт хугацааны хөнгөлөлттэй зээл олгодог "Алс дорнод ба Өвөр Байгалийн бүс нутгийн хөгжүүлэх сан" ба "Очир ДжиджинСандер" компани харилцан ойлголцох санамж бичигт гарын үсэг зурсан тухай ТАСС агентлаг мэдээлжээ.
Сэтгэгдэл (0)
Сэтгэгдэл бичигдээгүй байна