Британийн Ерөнхий сайд Борис Жонсоныг Ираны генерал КасемСулейманитай холбоотой хэрэг явдлын дараагаар нэн Карибын тэнгис дэх амралтаа таслан эргэж ирсэнгүй гэж шүүмжилжээ. Тухайлбал, Британийн парламент дах сөрөг хүчний Лейборист намын тэргүүн Корбин нь Жонсоныг Их Британи төдийгүй дэлхийн нийтийн хувьд ноцтой үр дагаварт хүргэж болзошгүй асуудлыг шийдэхийн тулд амралтаа зогсоон нутагтаа эргэж ирсэнгүй гэж шүүмжилжээ. Парламентын өөр нэг гишүүн ЭмилиТорнберри нь Жонсоныг Засгийн газрын онцгой байдлын хорооны хуралдаанд оролцохын оронд далайн эрэг дээр наранд биеэ ээн хэвтэж байна гэж шүүмжилсэн байна. Парламентын өөр нэг гишүүн нь Засгийн газрын тэргүүн сайд нь ийм чухал асуудлын талаар мэдэгдэл хийлгүй дэндүү удсан нь байж боломгүй зүйл гэжээ.
Жонсон нь Сулейманийн аллагаас гурав хоногийн дараа л энэ талаар тайлбар хийсэн. Тэрээр “Генерал КасемСулеймани нь манай ашиг сонирхолд заналхийлж, бүс нутагт гарсан зохисгүй үйл явдалд буруутай. Тэрээр мянга мянган энгийн иргэд ба өрнөдийн мэргэжилтнүүдийн үхэлд хүргэсэн үйл явдалд голлох үүрэг гүйцэтгэсэн учраас бид амиа алдсанд нь харамсал илэрхийлэхгүй” гэсэн юм.
Жонсон нь Британийн хатан хааны гэр бүлийнхэн, Засгийн газрын өндөр албан тушаалтнууд, томоохон бизнесменүүд, одууд амардаг Карибын тэнгис дэх Мюстик арал дээр амарч байгаа гэж “The Times” сонин тодруулжээ. Энэ арал орчмын усыг Британийн цэргийнхэн эргүүл хийн хамгаалж байдаг аж.
Сэтгэгдэл (0)
Сэтгэгдэл бичигдээгүй байна