2020/10/01
USD 2,811

Шүүгч С.Төмөрбат ХОМ-ээ мэдүүлээгүй байна

Ц.Анхзул
2020/02/17

Авлигатай тэмцэх газар хуулийн үйлчлэлд хамаарах албан тушаалтнуудын 2019 оны хувийн ашиг сонирхлын мэдүүлэг болон хөрөнгө, орлогын мэдүүлгийг шинэчлэн бүртгэх ажлыг улсын хэмжээнд зохион байгуулж, хуулийн хэрэгжилтийг ханган ажиллалаа.

Авлигын эсрэг хуулийн 11 дүгээр зүйлийн 11.1.1, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 24 дүгээр зүйлийн 24.1.1-д заасан чиг үүргийн дагуу АТГ-т мэдүүлгээ бүртгүүлэх үүрэгтэй төрийн өндөр болон бусад 290 албан тушаалтнаас /УИХ-ын гишүүн-1, Монгол банкны дэд ерөнхийлөгч-1, Ерөнхий консул-1, Ерөнхийлөгчийн зөвлөх-1, Шударга өрсөлдөөн, хэрэглэгчийн төлөө газрын орон тооны бус гишүүн-2, Нийгмийн даатгалын үндэсний зөвлөлийн гишүүн-1 буюу нийт 7  албан тушаалд томилгоо хийгдээгүй буюу албан тушаал нь сул байна/ албан үүргээ гүйцэтгэж байгаа нийт 283 албан тушаалтан мэдүүлгээ хуулийн хугацаанд шинэчлэн гаргаж бүртгүүлэхээс 283 албан тушаалтан мэдүүлсэн байна.

Мэдүүлгийн бүрдүүлэлтийн үйл ажиллагаа болон цахим системээс нэгдсэн дүн мэдээг гаргаж урьдчилсан байдлаар нэгтгэхэд улсын хэмжээнд төрийн захиргааны болон нутгийн захиргааны нийт 110 байгууллагын 41686 мэдүүлэг гаргагч мэдүүлгээ гаргаж бүртгүүлэхээс хуулийн хугацаанд 41685 албан тушаалтан /цахимаар 37527, цаасаар 4158/ мэдүүлгээ хуулийн хугацаанд гаргаж баталгаажуулсан. Харин 1 мэдүүлэг гаргагч буюу Нийслэлийн Захиргааны хэргийн анхан шатны шүүхийн шүүгч С.Төмөрбат хуулийн хугацаанд мэдүүлгээ бүртгүүлээгүй байна.  

2019 оны хөрөнгө, орлогын мэдүүлгээ шинэчлэн гаргасан нийт албан тушаалтны тоо өмнөх оноос 304-өөр нэмэгдсэн бөгөөд энэ нь Мал эмнэлэг, үржлийн газрын бүтэц зохион байгуулалт өөрчлөгдсөн, ШШГЕГ, ОБЕГ-ын зарим албан хаагчдын ангилал, зэрэглэл өөрчлөгдөж мэдүүлэг гаргах жагсаалтад орсон, мөн Төрийн албаны тухай хууль шинэчлэн батлагдсанаар Засгийн газрын 2019 оны 7 дугаар сарын 3-ны өдрийн 275, 276 дугаар тогтоолуудаар төрийн захиргааны болон төрийн үйлчилгээний албан тушаалын ангилал, зэрэглэлийг шинэчлэн тогтоосонтой холбоотой.  

Авлигын эсрэг хуулийн 11 дүгээр зүйлийн 11.3  дахь хэсэгт заасны дагуу хуулийн хугацаа дууссанаас хойш 14 хоногийн дотор холбогдох байгууллагууд нь тайлан мэдээгээ албажуулж АТГ-т ирүүлэх үүрэгтэй бөгөөд 2020 оны 3 дугаар сарын 1-нээс хойш улсын хэмжээний нэгдсэн дүн мэдээг гаргана. Түүнчлэн Авлигын эсрэг хуулийн 14 дүгээр зүйлийн 14.1-д заасны дагуу энэ оны 2 дугаар улиралд багтаан албан тушаалтнуудын ХОМ-ийн хураангуйг АТГ-ын цахим мэдээллийн сүлжээнд байршуулах болно.

 

 

 


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.75.82 |   2020/02/18
Shuuh bol biznesiin mash ashigtai salvar .Salhitiin hergees harahad shuuh yamar ashigtai salbar boloh ni mash todorhoi haragdaj baigaa biz.Shuugchid yamar ovsgootoi biznesmenuud / avilgachid/ boloh ni mash todorhoi haragdaj baina.Elbegdorjiin tomilson Lundendorj metiin humuus bol avilgiig bur onoliin tuvshind sudalj mongoliin shuuh deer heregjuulsen humuus .Ene Tomorbat ch gesen shuuhiig avilga avch ashig oloh heregsel bolgoj chadsan Elbegdorjiin tomilson shuugch nariin neg.
Хариулах
207.6.112.23 |   2020/02/18
Mongoloos orgon zugataad orognol huseed oor ulsad nuugdaj baigaa hun orlogoo meduuleed suuj baina gej yaj bodoj chaddag mal setguulch ve. Uher uu? Umbuu yu??
Хариулах
64.119.24.4 |   2020/02/17
Нийслэлийн Захиргааны хэргийн шүүхийн зарим шүүгч захиалгаар үйл ажиллагаа явуулдаг юм биш үү....Илт захиалга ба ашиг сонирхол хамаарал бүхий этгээддээ үйлчлээд байгааг нь юу гэж ойлгох вэ.
Хариулах
202.179.31.44 |   2020/02/17
За боль доо. Цаадах чинь АНУ-д инээгээд сууж байгаа байх.
Хариулах
103.57.95.34 |   2020/02/17
Ene huuliz zini smerik garaadyavsan gesen hudlaa um uu
Хариулах