2020/04/01
USD 2,773

Уханийн эмнэлгийн дарга коронавирусийн халдвараар нас баржээ

Б.Бадрал
2020/02/18

Covid-19 коронавирусийн голомт гэгддэг Ухань хотын “Учан” эмнэлгийн Ерөнхий эмч Лю Жимин нь өнгөрсөн мягмар гарагт энэ аюулт өвчний халдварын улмаас нас барсан тухай Хятадын төв телевиз мэдээлжээ. Ингэснээр Лю Жимин нь энэ халдварын улмаас нас барсан анхны эмнэлгийн удирдах ажилтан болсон байна.

Лю Жиминийг шинэ коронавирусийн улмаас нас барсан тухай мэдээг Хятадын коммунист намын төв хэвлэл “Жэнминь Жибао” Twitter хуудсаараа анх мэдээлсэн. Гэвч Хятадын цөөнгүй мэдээллийн хэрэгслүүд энэ мэдээллийг үгүйсэн, нотолгоо гаргаж ирсэн тул мэдээг олон нийтийн сүлжээнээс устгасан. Мягмар гарагийн өглөө 9 цагийн үед сэтгүүлчид Лю Жиминий эхнэртэй утсаар холбогдон биеийн байдлыг нь лавлахад амьд байна гэж мэдэгдсэн байна. Гэвч 10 цагийн үед ахин холбогдоход нас барсан гэжээ. Мөн нас баралтын шалтгааныг нь шинэ коронавирусийн үүсгэсэн уушгины хатгалгаа гэж хэлсэн байна. Энэ мэтээр нэлээд ээдрээ үүссэн бол “Учан” эмнэлгийн удирдлагыг коронавирусийн талаар үнэнийг нуусан гэж буруутгаж байгаа юм байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна