Говь-Алтай аймгийн Гэр бүл хүүхэд залуучуудын хөгжлийн хэлтсийн /ГБХЗХХ/-ийн дарга 30 настай Иргэн Б машиндаа нас барсан байдалтайгаар олдсон гэдгийг ЦЕГ-аас мэдэгдсэн. ЦЕГ-аас урьдчилсан байдлаар “аймгийн удирдлагууд албан өрөөндөө согтууруулах ундаа хэрэглэсэн байж болзошгүй нөхцөл байдал тогтоогдсон” талаар мэдээлсэн. Говь-Алтай аймгийн Засаг дарга талийгаачийг “ажлаа хүлээлгэж өгөхийг шаарддаг” байсан талаар эх сурвалжууд мэдээлж байгаа юм. Өнгөрөгч оны 12 дугаар сарын 31-нд Говь-Алтай аймгийн Засаг дарга Гэр бүл хүүхэд залуучуудын хөгжлийн газарт /ГБХЗХГ/-т хандаж талийгаачид сахилгын шийтгэл оногдуулж өгөхийг хүссэн албан бичиг илгээж байжээ.
Харин 12 дугаар сарын 26-ны өдөр нь Говь-Алтай аймгийн засаг даргын захирамжийн төсөлд бичсэнээр талийгаачийн цалинг гурван сарын хугацаатай 20 хувиар бууруулах утга бүхий материал ил болоод байна.
Говь-Алтай аймгийн ГБХЗХХ-ийн даргаар ажиллаж байсан талийгаач Б нь 2016 онд тус аймгийн ГБХЗХХ-ийн даргаар томилогдсон байна. Ажилдаа хичээнгүй, идэвхи санаачлагатай, зүтгэлтэй ажилладаг сайн ажилтан байсныг ГБХЗХГ-аас хэлж байгаа юм. Талийгаач Б нь бага насны хоёр хүүтэй, сэтгүүлч мэргэжилтэй ТВ5 болон орон нутгийн хэвлэлд ажиллаж байсан нэгэн байжээ.
Сэтгэгдэл (0)
Сэтгэгдэл бичигдээгүй байна