Сөүлийн Дээд шүүхээс Өмнөд Солонгосын Ерөнхийлөгч асан Ли Мён Бакийг /2008-2013/ өмч хөрөнгө завшсан, онц их хахууль авсан хэрэгт буруутай гэж үзсэн тухай “Yonhap” агентлаг мэдээлж байна. Улмаар экс Ерөнхийлөгчид 17 жил хорих ял оноожээ.
Ингээд зогсохгүй Ли Мён Бакийг улсад нийт 15,7 сая долларын торгууль төлөх ёстой гэж шийдсэн бөгөөд шууд шүүх танхимаас баривчилсан байна.
Солонгосын прокурорын газар нь экс Ерөнхийлөгчийг авто машины сэлбэг хэрэгслийн DAS компанийн өмчийг завшсан, Ерөнхийлөгчийн алба хашиж байхдаа “Samsung Electronics” компаниас хахууль авсан хэрэгт сэжиглэж байсан юм.
Ли Мён Бак нь 2018 оны гуравдугаар сарын 22-нд олон тооны авлига, хахуулийн хэрэгт буруутай гэсэн хэргээр шүүгдэн баривчлагдаад мөн оныхоо аравдугаар сарын 5-нд Дээд шүүхээс 15 жил хорих ял аваад байсан ч 2019 оны гуравдугаар сард эрүүл мэндийн байдал муудсан гэдэг үндэслэлээр шоронгоос суллагдаад байсан юм. Гэтэл төд удалгүй ээлжит удаагаа шийтгэгдсэн нь энэ.
Сэтгэгдэл (0)
Сэтгэгдэл бичигдээгүй байна