Монгол Улсын Ерөнхий сайд асан М.Энхсайханд холбогдох хэргийн шүүх хуралдаан гурван өдөр үргэлжилж, өчигдөр шийдвэрээ гаргасан. Шүүхээс М.Энхсайханыг Эрүүгийн хуулийн тусгай ангийн 22.1 дүгээр буюу Эрх мэдэл, албан тушаалын байдлаа урвуулан ашиглах зүйлийн 1 дэх хэсгийг, мөн хуулийн 22.1 дүгээр зүйлийн 2 дах хэсэгт нэгтгэн шүүгдэгч М.Энхсайханд Нийтийн албанд томилогдох эрхийг дөрвөн жилийн хугацаагаар хасаж, 4 жил 6 сарын хугацаагаар хорих ялаар шийтгэж, эрх хасах ялыг хугацаатай хорих ял эдэлж дууссан цагаас эхлэн тооцсон Хорих ялыг нээлттэй хорих байгууллагад эдлүүлэх шийдвэр гаргасан билээ. Тэгвэл түүний охин Э.Хонгорзул өөрийн цахим хуудастаа аавынхаа талаар дараах зүйлийг бичжээ.
Э.Хонгорзул: "Өнөөдөр Аавын минь төлөө санаа тавьж сэтгэлийн дэм өгсөн олон хүмүүст маш их баярлалаа.
Ардчилал иргэнийхээ төлөө зүтгэдэг нийгэм. Түүний төлөө аав минь ажилласан юм!
1996 оны энэ зураг Аавынхаа үйл хэргийг ойлгож авч эхэлсэн миний гэгээн дурсгал. АНУ-ын Нью Йорк хотноо НҮБ-ын чуулганд Монгол Улсыг хүний эрх, ардчилсан ёс дээдэлсэн эдийн засгийн чөлөөт улс болсныг тунхаглаж хөрөнгө оруулахыг уриалсан юм.
Хойч ирээдүйдээ илүү их боломж олгох нээлттэй ертөнцөөс бид ухрах ёсгүй!" гэжээ.
Сэтгэгдэл (0)
Сэтгэгдэл бичигдээгүй байна