Д.Нямхүү: Коронавирус нэмэгдэж илрээгүй

ХӨСҮТ-ийн захирал Д.Нямхүү:

Өчигдөр нийт 308 хүнд шинэ коронавирусийн халдварын шинжилгээ хийсэн бөгөөд нэг ч хүнд халдвар илрээгүй болохыг Халдварт өвчин судлалын үндэсний төвийн захирал Д.Нямхүү мэдээллээ. 

Эдгээр 308 хүний дунд Сидней-Улаанбаатар чиглэлийн тусгай нислэгээр ирсэн 262 иргэний давтан шинжилгээ багтжээ. Мөн Алтанбулаг боомтоор ирсэн 34 жолоочийн шинжилгээнээс халдвар илрээгүй байна.

Өнөөдрийн байдлаар батлагдсан халдварын тохиолдол 219 байгаагаас 175 хүнийг эмчилж, эмнэлгээс гаргажээ. Одоогийн байдлаар 44 хүн эмчилгээнд байгаагийн 35 нь хөнгөн 9 нь хүндэвтэр байна. 81 хүн эмчилгээ тандалтын дор хянагдаж байна.