2020/08/13
USD 2,811

Хятадад дах АНУ-ын мэдээллийн хэрэгслүүдийн үйл ажиллагааг хязгаарлав

Н.Мичидмаа
2020/07/03

Вашингтоноос авсан хязгаарлах арга хэмжээний хариуд Хятад нь нутаг дэвсгэр дээр нь үйл ажиллагаа явуулдаг Америкийн мэдээллийн хэрэгслүүдийн үйл ажиллагааг хязгаарлаж байгаа тухай БНХАУ-ын ГХЯ-ын төлөөлөгч ЖаоЛизянь мэдэгджээ.

Ингэснээр “Associated Press”, “United Press International”, “CBS”, “National Public Radio” гэсэн мэдээллийн агентлагууд долоо хоногийн дотор БНХАУ-ын нутаг дээр ажиллаж байгаа бүх ажилтнууд, санхүү болон бусад үйл ажиллагааныхаа талаарх бүх мэдээллийг бичгээр өгөх ёстой болов.

АНУ нь энэ сарын 22-нд нутаг дээр ажилладаг Хятадын төв телевиз, “China News Service”, “Жэньминьжибао”, “Global Times” гэсэн мэдээллийн хэрэгслүүдийн статусыг “харь улсын төлөөлөгчийн газрууд” болгон өөрчилсөн. Иймд эдгээр байгууллагууд нь АНУ дах бүх ажилтнууд, боловсон хүчний сэлгээ болон Америкийн нутаг дээр худалдан авч эсвэл түрээсэлж байгаа бүх объектуудынхаа талаар Төрийн департаментад заавал мэдээлж байхаар болоод байсан юм. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна