Естийн халуун рашааныг зорьсон таван залуу нас баржээ

Төв аймгийн Эрдэнэ сумын нутаг, Хан Хэнтийн тусгай хамгаалалттай газарт харьяалагдах Естийн халуун рашааныг гурван автомашинтай 10 залуу зорьжээ. Туё халуун рашааны орчимд буудаллаж, тав нь майханд, тав нь автомашиндаа хуваагдаж амарсан байна. Гэтэл майханд хоносон таван залуу угаартсан байдалтай нас барсан байдалтай олджээ.  Автомашиндаа хоноглосон таван хүн эрүүл саруул байгаа аж. Зэвсэгт хүчний 303 дугаар ангийн нисдэг тэргийг дайчлан 16.00 цагт 12 хүний бүрэлдэхүүнтэй баг тухайн газар руу явсан байна. Хэргийн газарт цагдаагийнхан үзлэг хийхэд таван хүн нас барсан байдалтай олдсон гэх мэдээлэл байна. Талийгаачдын цогцсыг  энэ сарын 23-нд нисдэг тэргээр нийслэлд авчирч шинжилж байж амиа алдсан шалтгааныг эцсийн байдлаар тогтоох юм байна. Урьдчилсан байдлаар угаартсан байж болзошгүй байгаа аж.