2021/01/22
USD 2,811

Хятадын нисэх онгоц тээгч Тайваний хоолойгоор гарав

О.Шүрэнцэцэг
2020/12/23

БНХАУ-ын Тэнгисийн цэргийн хүчний “Шаньдун” нисэх онгоц тээгч нь Өмнөд Хятадын тэнгист хээрийн сургууль хийхээр хөдлөхдөө Тайваний хоолойгоор дамжин гарсан тухай “Жэнминь жибао” мэдээлсэн байна. 

 Хятадын Тэнгисийн цэргийн төлөөлөгч Лю Вэньшэниймэдэгдсэнээр нисэх онгоц тээгчээр удирдуулсан байлдааны усан онгоцнуудын бүлэглэл ингэж аялсан нь жилийн өмнө батлагдсан төлөвлөгөөний дагуу хийгдэж байгаа ердийн зүйл юм байна. Цаашдаа хээрийн сургууль хийх шаардлагаас хамаараад ийм аяллыг үргэлжлүүлэн хийнэ гэжээ. Мөн “Шаньдун” нисэх онгоц тээгчийг зэвсэглэлд авснаас хойш ганцхан жил болж байгаа ч түүгээр удирдуулсан бүлэглэлийн байлдах чадвар ихээхэн нэмэгдсэн гэсэн байна. Хээрийн сургуулийн явцад нисэх онгоц тээгчийн тавцан дээрээс хөөрөх ба газардах, байлдааны зэвсгийн практик хэрэглээг шалгасан аж.

 Тайваний буюу Формозын хоолой нь Өмнөд Хятадын тэнгисийг Зүүн Хятадын тэнгистэй холбож, Тайваньарлыг эх газрын Хятадаас зааглаж байдаг. Тайванийхоолой нь 400 км урт, 130-180 км өргөнтэй. Тайван арлыг БНХАУ улс нь өөрийн салшгүй нэг хэсэг гэж үздэг бөгөөд нэгтгэх гэж янз бүрийн арга хэрэглэдэг. Харин Тайвань нь бие даасан тусгаар улс гэж хүлээн бусад улсуудаар хүлээн зөвшөөрүүлэхийг чармайдаг. 

 

“Шаньдун” нисэх онгоц тээгч нь БНХАУ-ын өөрийн хүчээр барьж бүтээсэн анхны нисэх онгоц тээгч юм. “Шаньдун” нь 70 мянган тонн усан түрцтэй, 315 м урт, 75 м өргөн, цагт 57 км туулж хурдлах чадвартай бөгөөд 40 ширхэг сөнөөгч онгоц, нисдэг тэрэг тээвэрлэх ч