2021/01/16
USD 2,811

​ Японд шувууны ханиад илэрч олон сая тахиаг устгалд оруулна

О.Шүрэнцэцэг
2020/12/25

Японы Тиба мужид шувууны томууны дэгдэлд бүртгэгдсэн тул олон сая тахиад устгалд оруулахаар болсон тухайн орон нутгийн хэвлэлүүд мэдээлсэн байна.

Тус мужийн Исуми хот дах тахианы аж ахуйгаас гоц халдварт өвчний голомтыг илрүүлжээ. Ингэснээр Японд шувууны ханиад бүртгэгдсэн мужийн тоо 13 болжээ. Ханиад илэрсэн газрыг хүрээлсэн 3 км-ийн дотор хөл хорио зарлаж, тахиа болон өндөг тээвэрлэхийг хориглосон бол 10 км-ийн тойргоос тахиаг гаргахыг хориглосон байна. Халдварын голомтод олон сая тахиаг устгалд оруулахаар болсон аж. 

Үүний өмнө шувууны ханиад илэрсэн Сига мужийн шувууны аж ахуй дээр мөн л 3 км-ийн бүс дотор карантин зарлаад байсан юм.

Түүнчлэн H5N8 вирусээр үүсгэсэн шувууны ханиадны тохиолдлууд Саудын Арави, Вьетнам, Францидбүртгэгдсэн. Саудын Аравид энэ өвчний улмаас 20 мянга гаруй тахиа үхсэн бол Вьетнамд 2,2 мянга үхжээ.

Шувууны ханиадны эсрэг эмчилгээ байдаггүй, зөвхөн урьдчилан сэргийлэх боломжтой байдаг тул илэрсэн тохиолдолд газар авахаас сэргийлж тухайн заасан бүс доторх бүх тахиануудыг устгалд оруулах арга хэмжээ авдаг. Тухайлбал, 2003 онд дэгдсэн H5N1 вирусээр үүсгэгдсэн шувууны ханиадны тархалтыг зогсоохын тулд дэлхий даяар 200 сая тахиаг устгалд оруулж байжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна