Хятадын вакцины үр нөлөө 50 хувь болж таарлаа

Бразил улсад явуулсан Хятадын “Sinovac” компанийн боловсруулсан корона вирусийн эсрэг вакцины клиник туршилтын дуусаж, үр нөлөөг нь 50 хувьтай гэж үнэлсэн тухай “Bloomberg” мэдээлсэн байна. Гэхдээ клиник судалгааны эцсийн шатны талаарх мэдээллийг олон нийтэд танилцуулахгүй хойшлуулж байгаагаас нь өрнөдийн шинжээчид Бразилд явуулсан судалгааны дүгнэлт үнэн бодит гэдэгт эргэлзэж магадгүй байдал үүсжээ. 

Үр нөлөө нь 50 хувь гэдэг нь тухайн вакцинд онцгой тохиолдолд хэрэглэх зөвшөөрөл олгоход шаардлагатай хамгийн доод босго юм байна. Харьцуулахад, Moderna баPfizer компаниудын вакцины үр нөлөө нь 90 хувиас илүү байгаа.

“Sinovac” нь бүр наймдугаар сард вакцинаа боловсруулж дуусаад байсан. Боловсруулж дуусмагц нь вакциныг нь “CoronaVac” гэсэн нэрээр онцгой тохиолдолд тарих зорилгоор хурдавчилсан байдлаар бүртгээд эмнэлгийн ажилтнууд, гадаадад ажиллахаар явж байгаа ажилчдыг тарьж эхэлсэн юм.