Баян-Өлгий аймагт өчигдөр буюу 2021 оны дөрөвдүгээр сарын 4-нд хоёр автомашинаар 9 иргэн Улаанбаатар хотоос очжээ. Эдгээр иргэдээс түргэвчилсэн оношлуулаар шинжилгээ авахад Х-гийн хариу эерэг гарсан байна. Үргэлжлүүлэн писиар шинжилгээнд хамруулахад хариу нь баталгаажиж, эерэг буюу коронавирусаар халдварласан болох нь тогтоогджээ. Х нь улаанбаатар хотод бөөрний дутагдалд орсон гэх шалтгаанаар эмчлүүлж байсан бөгөөд нийслэлээс гарахаас өмнө дөрөвдүгээр сарын нэгний өдөр шинжилгээ өгөхөд “сөрөг” гэх хариу гарсан аж. Тэдгээр иргэд Баян-Өлгий аймагт хавьтал үүсгээгүй гэж албаныхан мэдэгдэв. Өчигдөр Баян-Өлгий аймгийн Онцгой комисс хуралдаж батлагдсан тохиолдолтой холбоотой бус харин улаан бүс болсон Ховд аймгаас ирсэн иргэдийн шинжилгээний хариу гартал буюу дөрөвдүгээр сарын зургааны 06 цагийн хугацаатайгаар 48 цагийн хатуу хөл хорио тогтоожээ.
0°C