УИХ-ын гишүүн Б.Пүрэвдорж: Хүмүүсийн орлого багасчихсан байхад тодорхой хэмжээний халамжийн бодлого явуулсан ч тэр нь цөөхөн хүнд хүрдэг, зарим нам дэмждэг хүмүүст хүрдэггүй, ялгаварладаг хороо, багийн засаг даргын үзэмжээр шийддэг болчихсон. Орлого багассан энэ үед төр засгаас явуулах хамгийн тэгш хүртээмжтэй бодлого бол "НӨАТ-ын татварыг 5 хувь болгох" асуудал юм.Өндөр, тансаг хэрэглээний бүтээгдэхүүндээ 10 хувиараа үлдээгээд өргөн хэрэглээний болон бусад зүйл дээр таван хувь болгох ч байдаг юм уу, сая төгрөгөөс доош 5 хувь, саяас дээш худалдан авалтад 10 хувь болгох ч юм уу ийм зүйл дээрээ анхаармаар байна. Хүмүүсийн өдөр тутам худалдаж авч байгаа бүтээгдэхүүн дээр 5 хувь хөнгөлнө гэдэг бол ард иргэдэд хөөрхөн мөнгө үлдээд байна шүү дээ. Худалдан авсан бүтээгдэхүүн бүртээ 10 хувь төлөөд байгаа нь иргэдийн амьдралд хүнд тусаад байна шүү дээ.Эдийн засгийн хямралын үед та нарын авч хэрэгжүүлж байгаа бодлого чинь байндаа тусахгүй болохоор хүмүүс бухимдаад байна. Тиймээс НӨАТ-ын татварыг 5 хувь болгох хуулийн төслийг яаралтай оруулж ирж, хэлэлцэж өгөөч ээ гэж хүсч байна.
УИХ-ын дарга Г.Занданшатар: Анхдагч хуулийг гишүүд санаачлах эрхгүй, хууль тогтоомжийн зөрчилтэй байна гэж үзсэн. Энэ хуулиуд орж ирэх боломжгүй гээд хоёр удаа буцаагдсан. Тэгэхээр байнгын хороон дээрээ үүнийгээ сайн ярих хэрэгтэй. Төсвийн байнгын хороо мэднэ.
Сэтгэгдэл (0)
Сэтгэгдэл бичигдээгүй байна