2021/09/19
USD 2,811

У.Хүрэлсүх: МҮЭХ-той цалин хөлс, нийгмийн асуудлаар хамтарч ажиллана


Монгол Улсын Ерөнхийлөгч У.Хүрэлсүх Монголын үйлдвэрчний эвлэлийн холбооны ерөнхийлөгч Х.Амгаланбаатар тэргүүтэй удирдлагуудыг хүлээн авч уулзлаа. МҮЭХ-ны төлөөлөл Монгол Улсын Ерөнхийлөгчөөр сонгогдсонд нь баяр хүргэж, ажлын амжилт хүсэв.

МҮЭХ-той хөдөлмөрчин хүний эрх ашгийг хамгаалах, цалин хөлс, нийгмийн асуудалд нь анхаарах, үйлдвэрчний эвлэлийн байгууллагыг бэхжүүлэх зэрэг чиглэлээр хамтарч ажиллахаа Ерөнхийлөгч хэлэв.

1999 оноос хойш өөрчлөгдөөгүй Хөдөлмөрийн тухай хуулийн шинэчилсэн найруулгын төслийг УИХ хэлэлцэн батлахад МҮЭХ-ны хүчин зүтгэл их байсныг тэмдэглэв. Ирэх сарын эхээр зохион байгуулах цар тахлын эсрэг төр, хувийн хэвшлийн зөвлөгөөнд МҮЭХ оролцож, байр сууриа илэрхийлэх нь зүйтэй гэж үзэж байгаагаа хэллээ.

Монгол Улсын Ерөнхий сайдаар ажиллаж байхдаа МҮЭХ-той нягт хамтран ажиллаж байсныг МҮЭХ-ны ерөнхийлөгч Х.Амгаланбаатар тэмдэглэлээ. Түүний дотор дөрвөн төрлийн татварын нэмэгдэл, нийгмийн даатгалын шимтгэлтэй холбоотой асуудлыг иргэдэд ээлтэй байдлаар шийдсэнд талархаж байдгаа илэрхийлэв.

Мөн Хөдөлмөрийн тухай хуулийн шинэчилсэн найруулгын төслийг УИХ-аар батлуулахад хүчин чармайлт гаргасныг онцоллоо. Цаашид энэ хуулийн хэрэгжилтэд анхаарах, Нийгмийн даатгалын багц хуулийн төслийг УИХ одоогийнхоос дордуулахгүй батлахад анхаарахыг хүсэв.

МҮЭХ-ны төлөөлөл үндэсний бүтээмжийн хөдөлгөөн өрнүүлэх, төрийн өмчит болон компаниуд ажилчиддаа хувьцаа эзэмшүүлдэг байх, боловсролын салбарынхны цалинг дундаж цалингийн хэмжээнд хүргэх, нийгмийн асуудлыг нь шийдвэрлэх зэрэгт дэмжлэг үзүүлэхийг хүслээ.

 

Эх сурвалж: Ерөнхийлөгчийн хэвлэлийн алба


Сэтгэгдэл (11)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.55.188.102
Yg unen.
Хариулах
202.55.188.102
Hudlaa yri.
Хариулах
66.181.161.121
Hogjilin berhsheeltei irgede tetgewert garahad n bas heden togrog nemdeg bolmor yma nasara ajilchad iim owchtoi bolod l tetgewerte gardag hun tsoongui l bdg bh da
Хариулах
66.181.161.121
Hogjilin berhsheeltei
Хариулах
66.181.161.61
Emneleg,bolowsorolin salbarin uilchilgeni ajilchidin tsalin arai hetwrhi baga bna bi ulsad 36jil ajilaj bga gar dre 450.0in tsalin awdag shu
Хариулах
202.126.90.148
Эгч нь Солонгостоо ажлаад л байгаа юм бол уу хөөрхий дө
Хариулах
66.181.179.76
Хууль бус лицензүүдийг төрд хураан авсан шигээ идэвхтэй сайн ажиллаад өгвөл ч юухэн байхавдээ.
Хариулах
66.181.161.31
Эрүүл мэнд боловсролын салбарын ажилчдын цалин 2-3 удаа нэмэгдсэн. Төрийн захиргаа, онцгой нөхцөлд ажиллаж байгаа албан хаагчдын цалинг бусад салбаруудтай ижилтгэн нэмэх шаардлагатай. Нэн ялангуяа төрийн захиргааны салбарт ажиллаж байгаа мэргэжилтэн, үйлчилгээний ажилтнууд эрүүл мэнд боловсролын салбарт ажиллаж байгаа үйлчлэгчээс доогуур цалин авч байгааг тз албан хаагчид 5, 10 жилийн тэтгэмж авдаггүйг төр анхаараачээ. Энэ ялгаварлан гадуурхалтаас болж ажиллах мэргэжилтнүүд олдохгүй байна. Нийгмийн баталгаа бол бүр байхгүй. Байнга илүү цагаар ажиллах гээд асуудал их бна
Хариулах
103.26.193.13
Хайран цаг хугацаа ач холбогдол багатай уулзалт
Хариулах
124.158.69.227
Харж л байя. Ярих амархан шдээ нөхөдөө
Хариулах
192.82.68.180
Харж л байя даа
Хариулах