Герман улс ОХУ-ын эсрэг нэмэлт хориг арга хэмжээ авахаа анхааруулж, Ираны цөмийн хэлэлцээрийг дахин эхлүүлэх яриа хэлэлцээг түр зогсоосны дараа нийлүүлэлт хязгаарлагдах болгоомжлолоос үүдэн даваа гарагт газрын тосны үнэ нэг орчим доллароор өссөн.
Брент төрлийн газрын тосны үнэ 94 цент буюу 0.9%-иар өсч баррель нь 105.33 ам.доллар, АНУ-ын WTI төрлийн газрын тосны үнэ 92 цент буюу 0.9%-иар өсч 100.19 долларт хүрсэн.
Иран улс Вена дахь цөмийн хэлэлцээ гацсанд АНУ буруутай гэж мэдэгдэж нийлүүлэлтийн тодорхойгүй байдлыг нэмэгдүүлэв.
OANDA-гийн ахлах шинжээч Jeffrey Halley "Европ Оросын эсрэг шинэ хориг арга хэмжээ авахад бэлэн гэдгээ илэрхийлснээр газрын тосны үнэ өнөөдөр өндөр түвшинд хүрлээ" гэж мэдэгдэв.
Голдман Сакс БНХАУ-д тогтоосон хөл хорио болон АНУ стратегийн газрын тосны нөөцөөс их хэмжээний тос гаргасан зэргийг үл харгалзан 2023 оны газрын тосны үнийн таамаглалаа 110 ам.доллараас 115 ам.доллар болгон нэмэгдүүлсэн бөгөөд энэ нь шатахууны нийлүүлэлт хязгаарлагдмал, эрэлт ихтэй байгаатай холбоотой юм.
Эх сурвалж: Ройтерс агентлаг
Сэтгэгдэл (0)
Сэтгэгдэл бичигдээгүй байна