Орос олборлолтоо бууруулахаас аргагүйд хүрч магадгүй байгаа нь газрын тосны үнийг дэмжсээр байна.

ОХУ-ын төсвийн орлогын чухал эх үүсвэр болох газрын тосны салбарын үйл ажиллагаа саарах шинж тэмдэг хэдийнэ ажиглагдаж байна. Орос-Украины дайны улмаас барууны худалдан авагчид Оросын газрын тосыг худалдаж авахаас татгалзаж байгаа бөгөөд Москва барууны орнуудаас болж алдсан борлуулалтаа Азийн хөгжиж буй зах зээлээр нөхөхийг хичээж байна. Азийн газрын тос хадгалах агуулах сав дүүрсэн, тээврийн ложистикийн асуудлууд Оросын газрын тосыг  экспортлоход саад болж байна. Тиймээс Оросын газрын тосны компаниуд газрын тосны үйлдвэрлэлээ багасгаж байна.

JPMorgan: Хэрэв ЕХ Оросын газрын тосыг хоригловол газрын тосны үнэ 185 долларт хүрч магадгүй.

Хэрэв ЕХ Оросын газрын тосны импортыг зогсоох талаар нухацтай хандаж байгаа нь ямар нэг хариу хүртэх нь тодорхой. JPMorgan Оросын газрын тосонд нэн даруй хориг тавих нь өдөрт 4 сая гаруй баррель газрын тосны нийлүүлэлтийн хомсдол үүсгэж, Brent маркийн газрын тосны үнэ 65 орчим хувиар өсч, баррель нь 185 долларт хүрнэ гэж анхааруулав. Шинжээч Наташа Канева “Эдгээр газрын тосыг Энэтхэг рүү шилжүүлэх хангалттай эрэлт, цаг хугацаа байхгүй” гэж мэдэгдэв. ОХУ-ын нүүрсний нийлүүлэлтээс татгалзсантай адил 4 сарын хугацаа өгч Оросын газрын тосыг зогсоовол үнэд мэдэгдэхүйц нөлөө үзүүлэхгүйгээр зорилтдоо хүрч чадна гэж Канева нэмж хэлэв. JPMorgan-ы үзэж байгаагаар Оросын Европт руу нийлүүлж буй газрын тосны хэмжээ ердөө 2 дахин багасч, оны эцэс гэхэд өдөрт 2.1 сая баррелиар буурна гэж тооцоолж байна. ОХУ-ын газрыг тосны экспорт энэ сард өдөрт 1.5 сая баррелиар буурна гэж тус банк таамаглаж байсан нь эхний төсөөлж байснаас 25 хувиар бага байна. ОХУ-ын компаниудтай байгуулсан гэрээ хэлэлцээрийг цуцлах нь ихэвчлэн урт хугацааны гэрээ юм. Гэвч Орос-Украины мөргөлдөөний хурцадмал үйл явдал ЕХ-ны зүгээс илүү хатуу арга хэмжээ авахад түлхэц өгвөл нийлүүлэлт, улмаар хэрэглэгчдэд үзүүлэх хохирол хамаагүй их байх болно.

Ливийн газрын тосны олборлолт зогссон нь нийлүүлэлтийг улам хүндрүүлэв.

Өдөрт 300 мянган баррель газрын тос олборлодог Ливийн хамгийн том газрын тосны орд Шарара эсэргүүцлийн улмаас хаахаас өөр аргагүй болсон байна. Ерөнхий сайд Абдул Хамид Дбейбаг огцрохыг шаардсан жагсагчид Шарара газрын тосны ордонд цугларчээ. Ливийн үндэсний газрын тосны компани Даваа гарагт газрын тосны олборлолт, экспортын зарим хэсэг нь давагдашгүй хүчин зүйлийн нөлөөнд автсан бөгөөд Шарарагийн талбай газрын тос нийлүүлэх гэрээгээр хүлээсэн үүргээ цаашид биелүүлэхгүй гэж мэдэгдэв. Ирээдүйд зогсолт хийх давалгааг тус компани мөн анхааруулав.

Ливийн газрын тосны олборлолт өдөрт 1.2 сая баррель орчим байдаг боловч тус улсын тогтворгүй нөхцөл байдал, олон фракцын эсэргүүцлийн жагсаалаас болж байнга газрын тосны ордууд, боомтуудын үйл ажиллагааг зогсоход хүргэдэг. Өдөрт 65 мянган баррель газрын тос олборлодог Шарарагийн ойролцоох El Feel ордыг мөн ийм шалтгаанаар хаажээ. Тооцоо судалгаанаас үзэхэд тус улсын газрын тосны олборлолт өдөрт 535 мянган баррелиар буурчээ.

4 дүгээр сарын 17, 18-нд Ливийн хоёр томоохон газрын тосны ордууд давагдашгүй хүчин зүйлийн улмаас үйлдвэрлэлийн үйл ажиллагаагаа ар араасаа зогсоожээ. Шарара бол Ливийн хамгийн том газрын тосны орд бөгөөд өдөрт 300,000 баррель, EI Feel талбайнаас өдөрт 65 мянган баррель газрын тос олборлодог. Энэ хоёр газрын тосны талбайн алдагдал өдөрт 400,000 баррель дөхөж байна. Нэмж дурдахад жагсаал нь бусад газрын тосны талбай, боомтуудад ч тархаж байгаа бөгөөд өдөрт 500,000 баррель гаруй газрын тосны нийлүүлэлтэд нөлөөлөх

OANDA-гийн шинжээч Жеффри Халли хэлэхдээ, дэлхийн газрын тосны нийлүүлэлт аль хэдийн маш хатуу байгаа бөгөөд нийлүүлэлт бага зэрэг тасалдсан ч газрын тосны үнэд асар их нөлөө үзүүлж болзошгүй байна.

ОПЕК+ цаашид олборлолт нэмэгдэх шинжгүй байгаа нь газрын тосны үнийг дэмжинэ

Саудын Арабын хэвлэлийн агентлагийн мэдээлснээр, Саудын Арабын угсаа залгамжлах хунтайж Путинтэй утсаар холбогдож, хоёр орны харилцааны талаар ярилцаж,  ард түмний ашиг сонирхолд хүрэхийн тулд олон салбарын хамтын ажиллагааг бэхжүүлэх талаар ярилцсан байна. Саудын Арабын Хэвлэлийн Агентлагийн мэдээлснээр, угсаа залгамжлах хунтайжийн хувьд Украйны хямралыг улс төрийн аргаар шийдвэрлэх хүчин чармайлтыг дэмжиж байна гэж мэдэгджээ.

ОХУ Украинд түрэмгийлсэний улмаас дэлхийн газрын тос, эрчим хүчний зах зээл хямарч байгаа хэдий ч ОПЕК+ нэгдмэл байр сууриа олон нийтэд илэрхийлж, одоогийн байдлаар газрын тосны үнийг хөдөлгөж буй суурь хүчин зүйл биш гэдгийг дахин онцоллоо.

ОПЕК+-ийн 5 дугаар сарын 5-нд хуралдах бөгөөд 6 дугаар сард олборлолтын хэмжээг тогтоохоор төлөвлөж байна. Ази дахь коронавирусын хөл хорио нь эрэлтийг буурахад хүргэнэ гэсэн болгоомжлол, ОПЕК+ хэдэн сарын турш квотоо биелүүлээгүй, 3 дугаар сард газрын тосны олборлолт 2 дугаар сараас өдөрт ердөө 57,000 баррелиар өссөн зэргийг харгалзаж үзэх юм.

ОПЕК энэ оны дэлхийн газрын тосны эрэлтийн таамгаа бууруулжээ

Газрын тос экспортлогч орнуудын байгууллага (ОПЕК) энэ оны дэлхийн газрын тосны эрэлтийн таамаглалыг бууруулсан нь Орос, Украины мөргөлдөөний сөрөг нөлөөлөлтэй холбоотой.

ОПЕК-ийн сар бүрийн газрын тосны зах зээлийн тайланд, энэ онд дэлхийн газрын тосны эрэлт өдөрт 100.5 сая баррель байх бөгөөд өмнөх тооцоотой харьцуулахад өдөрт 400 мянган баррелиар буурсан байна. ОПЕК 2022 онд дэлхийн эдийн засгийн өсөлтийн таамаглалыг сарын өмнөх 4.2%-аас 3.9% болгон бууруулж, Орос-Украины мөргөлдөөн болон тахал өвчний нөлөөг харгалзан цаашид бууруулах боломжтой гэж үзэж байна. Мэдээллээс харахад ОПЕК-ийн 13 гишүүн орны дундаж олборлолт 3 дугаар сард өдөрт 57 мянган баррелиар нэмэгдэж, 28.56 сая баррельд хүрсэн байна.

Энэ онд ОПЕК-ийн гишүүн бус орнуудын газрын тосны гарц өдөрт 66.26 сая баррель байх төлөвтэй байгаа нь өмнөх таамгаас 300,000 баррлаар буурсан байна. Үүний дотор Оросын газрын тосны олборлолт өдөрт 500 мянган баррелиар буурч, 11.2 сая баррельд хүрэх төлөвтэй байна. ОПЕК болон ОПЕК-ийн гишүүн бус газрын тос олборлогч орнууд 3 дугаар сарын 31-нд энэ оны 5 дугаар сард сарын нийт олборлолтоо өдөрт 432 мянган баррелиар нэмэгдүүлэх шийдвэр гаргасан.

ОПЕК-ийн Ерөнхий нарийн бичгийн дарга Баркиндо хэлэхдээ, хэрэв Оросын газрын тосыг бүрэн хоригловол олон улсын газрын тосны зах зээлд нийлүүлэлтийн ноцтой эрсдэлтэй тулгарах болно. Ройтерс агентлагийн мэдээлснээр, Баркиндо: “Орос, Украины зөрчилдөөн нь Оросын газрын тос болон бусад шингэн түлшний экспортыг өдөрт 7 сая баррелиар бууруулна” гэж мэдэгдсэг бөгөөд тус нийлүүлэлтийн зөрүүг нөхөх боломжгүй, олборлолтоо дахин нэмэгдүүлэхгүй гэж сануулжээ.

Эх сурвалж: Huitong агентлаг

https://oil.in-en.com/html/oil...