ЗӨВШӨӨРЛИЙН ТУХАЙ ХУУЛЬ БАТЛАГЛАА 

Ц.Цэрэнбадам
2022/06/17

       Иргэн, аж ахуй нэгжүүд үйл ажиллагаа эрхлэхэд нь төрөөс ирэх дарамт болон авлигалыг бууруулах зорилго бүхий  “Зөвшөөрлийн тухай хууль”-ийг УИХ-ын чуулганы нэгдсэн хуралдаанаар эцэслэн баталлаа. /2022-06-17/

Зөвшөөрөл авахын тулд олон шатны бичиг баримт бүрдүүлж цаг хугацаа алддаг. Зөвшөөрөл олгох эрх бүхий этгээдийн хүнд суртал нь бизнес эрхлэгчдэд ихээхэн дарамт болж, авлигын эх үндэс болдог байсан.  Одоо мөрдөж буй “Аж ахуйн үйл ажиллагааны тусгай зөвшөөрлийн тухай хууль”-иар 19 чиглэлд 200 гаруй зөвшөөрөл олгохоор заасан ч албан бус тоогоор 1600 гаруй болж нэмэгдсэн. Энэ тоо шинэ хуулийн өөрчлөлтөөр 350 болж буурчээ. 
Энэ хуулийн төслийг УИХ-ын 20 гаруй гишүүн өргөн барьж, ажлын хэсгийн ахлагчаар УИХ-ын гишүүн Х.Ганхуяг ажилласан.
 Хуулийн хэрэгжилт 2023-01-01 ээс эхэлнэ.

                      ЗӨВШӨӨРЛИЙН ХУУЛИЙН ГОЛЛОХ ЗОХИЦУУЛАЛТУУД

  • Салбар хуулиар эрх аваагүй буюу эрх бүхий албан тушаалтны тушаал, шийдвэрээр олгож буй, хуулиар давхардуулан олгож буй, бүртгэлийн шинжтэй зэрэг 1,600 гаруй зөвшөөрлийн тоог цөөрүүлж 350 болгосон. 
  • Зөвшөөрөл олгох процессын харилцааг салбарын хуулиар нарийвчлан зохицуулаагүй тохиолдолд Зөвшөөрөл хүссэн өргөдлийг ажлын 23 өдөрт буюу хуанлийн 30 хоногийн дотор багтаан шийдвэрлэхээр зохицуулсан. 
  • Зөвшөөрлийн жагсаалтад туссан зөвшөөрөл тус бүрийн эрсдэлийг үнэлсний үндсэн дээр энгийн болон тусгай зөвшөөрөл гэж ангилсан. Төрийн байгууллага хуульд заасан хугацаанд өргөдлийн хариуг шийдвэрлээгүй тохиолдолд Энгийн зөвшөөрлийг олгосонд тооцно. 
  • Зөвшөөрөл сунгах өргөдлийг ажлын 15 өдөр буюу хуанлийн 21 хоногийн дотор шийдвэрлэнэ. Хуульд заасан хугацаанд зөвшөөрлийн хугацааг сунгуулах өргөдлийн хариуг өгөөгүй бол зөвшөөрлийг анх олгосон хугацаагаар сунгасанд тооцно. 
  • Төрийн байгууллагын зүгээс иргэн, ААНБ-н зөвшөөрлийн хугацаа дуусахаас 45 хоногийн өмнө энэ тухай мэдээллийг зөвшөөрөл эзэмшигчид мэдэгддэг болно. 
  • Зөвшөөрөл эзэмшигч татварын өргүй, байнгын тогтвортой үйл ажиллагаа явуулж, ажлын байраа хадгалсан бол зөвшөөрлийг анх олгосон хугацааг хоёр дахин нэмэгдүүлж сунгаж болно. 

                       ЗӨВШӨӨРӨЛ ОЛГОХ, СУНГАХ ХУГАЦААТАЙ ХОЛБООТОЙ ЗОХИЦУУЛАЛТУУД

  • Зөвшөөрөл олгох эрх бүхий этгээд хуулийн хугацаанд хариуг өгдөг байх, зөвшөөрөл хүсэгч ч баримт бичгийн бүрдүүлбэрийг үнэн, зөв хуулийн дагуу, хугацаандаа бүрдүүлдэг байх аль аль талыг хариуцлагажуулах хөшүүрэг болгох зохицуулалтуудыг тусгасан. 
  • Баримт бичгийн бүрдэл шалгах 2 хоног: Өргөдлийг хүлээн авснаас хойш ажлын 2 өдрийн дотор баримт бичгийн бүрдлийг шалгана. Баримт бичгийн бүрдэл хангасан гэж үзвэл магадлан шалгах ажиллагааг эхлүүлнэ. Баримт бичиг шаардлага хангаагүй, эсхүл бүрдэл дутуу бол нөхөн бүрдүүлэх талаар зөвшөөрөл хүсэгчид мэдэгдэнэ. Нөхөн бүрдүүлэх хугацаа 30 хоног хүртэл хоног байна. 
  • Магадлан шалгах ажиллагаа 5 хоног /энгийн зөвшөөрөл/, 10 хоног /тусгай зөвшөөрөл/: Баримт бичгийн бүрдэл хангасан гэж үзвэл тусгай зөвшөөрлийг ажлын 10 өдрийн дотор, энгийн зөвшөөрлийг ажлын 5 өдрийн дотор магадлан шалгаж, шаардлагатай гэж үзвэл дээрх хугацааг нэг удаа ажлын 5 өдрөөр сунгана. 
  • Шийдвэр гаргах 5 хоног: Магадлан шалгах хугацаа дууссанаас хойш ажлын 5 өдрийн дотор зөвшөөрөл олгох эсэх шийдвэрийг гаргана. Дээрх хугацаанд эрх бүхий этгээд хариу өгөөгүй бол энгийн зөвшөөрлийг олгосон тооцно. Зөвшөөрөл эзэмшигч зөвшөөрлийн хугацаа дуусахаас 30 хоногоос доошгүй хугацааны өмнө сунгуулах хүсэлтээ гаргана.
  • Баримт бичгийн бүрдэл шалгах 2 хоног: Хугацаа сунгуулах тухай хүсэлтийг хүлээн авснаас хойш ажлын 2 өдрийн дотор баримт бичгийн бүрдлийг шалгана. Баримт бичгийн бүрдэл хангасан гэж үзвэл магадлан шалгах ажиллагааг эхлүүлнэ. Баримт бичиг шаардлага хангаагүй, эсхүл бүрдэл дутуу бол нөхөн бүрдүүлэх талаар зөвшөөрөл хүсэгчид мэдэгдэнэ. Нөхөн бүрдүүлэх хугацаа 10 хоног хүртэл байна. 
  • Магадлан шалгах хугацаа: Баримт бичгийн бүрдэл хангасан гэж үзвэл тусгай зөвшөөрлийг ажлын 5 өдрийн дотор, энгийн зөвшөөрлийг ажлын 3 өдрийн дотор магадлан шалгаж, шаардлагатай гэж үзвэл дээрх хугацааг нэг удаа ажлын 3 өдрөөр сунгана. Магадлан шалгах хугацаа дууссанаас хойш ажлын 2 өдрийн дотор зөвшөөрлийг сунгах эсэх шийдвэрийг гаргана. Хэрвээ дээрх хугацаанд эрх бүхий этгээд хариу өгөөгүй бол тусгай болон энгийн зөвшөөрлийг сунгасанд тооцно.

0
angry
0
care
0
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Г.Даваажаргал: Нийслэлийн дээр 80 орчим метр зузаан хүйтэн агаар тогтсон тул утаа хуримтлагдаж байна 28 минутын өмнө
ЭМЯ: Утаанаас сэргийлж амны хаалт зүүхийг уриаллаа 32 минутын өмнө
С.Эрдэнэбаяр: Шүүхийн ерөнхий зөвлөл гомдоод байна шүү дээ. Ийм хямдхан, ийм амархан нөлөөнд автчих шүүхтэй юм уу? 35 минутын өмнө
Ч.Ундрам: Би нийгэмд худал мэдээллээр шүүгдэж байсан шиг Н.Өнөрцэцэгийг яг тэгж шүүж байна, олон асуудлыг гаргаж үр дүнд хүргэдэг сэтгүүлч 1 цагийн өмнө
Б.Бат-Эрдэнэ: Шүүхийн танхим руу дайрч ороогүй л бол шүүхэд нөлөөлнө гэж юу байхав, эсвэл тийм хэврэг шүүхтэй болчихсон юм уу 2 цагийн өмнө
С.Одонтуяа: Шүүх хэний ч нөлөөнд автах ёсгүй байтал сэтгүүлч нөлөөллөө гэж байгаа бол асуудал шүүхэд байна 2 цагийн өмнө
Д.Тогтохсүрэн: Н.Өнөрцэцэг сэтгүүлч мэдээлэх үүргээ хамгийн сайн гүйцэтгэдэг, төрийн байгууллагууд алдаагаа засах ёстой 2 цагийн өмнө
Л.Энх-Амгалан: Сурагчид энэ сарын 28-наас эхлэн нэгдүгээр сарын 28 хүртэл амарна, харин цэцэрлэг амрахгүй 3 цагийн өмнө
Б.Пүрэвдорж: Сэтгүүлчийг бус нөлөөнд автсан гээд байгаа шүүгчийг нь шүүгээч, сүүлдээ сэтгүүлчийн сошиал хуудсыг нь хязгаарлана гэнэ үү 3 цагийн өмнө
БНСУ руу зорчих иргэдийн анхааралд 4 цагийн өмнө
Хятадад дэгдсэн хатгалгаатай холбоотойгоор ХӨСҮТ-өөс зөвлөмж гаргажээ 4 цагийн өмнө
Танилц: ХЭҮК-ын даргаар томилогдсон Д.Сүнжидийн ажлын туршлага, намтар 4 цагийн өмнө
Сурагчдын амралтын хугацааг наашлуулахаар яригдаж байна 5 цагийн өмнө
АГААРЫН БОХИРДОЛ: Баянхошуу орчимд хамгийн их байна 5 цагийн өмнө
Ч.Ундрам: Шүүх байгуулллага хараат бусаар, нөлөөнд автахгүй ажлаа хийж чадаж байна уу 6 цагийн өмнө
Иргэд: Сэтгүүлч Н.Өнөрцэцэг бол иргэдийн дуу хоолой, шударга сэтгүүлч шүү 6 цагийн өмнө
ЦАГ АГААР: Ихэнх нутгаар хүйтний эрч суларна 7 цагийн өмнө
Азийн бүсийн оюутны программчлалын олимпиадад МУИС-ийн баг мөнгөн медаль хүртлээ 22 цагийн өмнө
Нарны хорооллыг Нарны замтай холбох явган хүний гүүрэн гарц байгуулна 22 цагийн өмнө
“Алтай” хотхонд сургууль байгуулж, орц, гарцыг нэмэгдүүлнэ 22 цагийн өмнө