Автобусны хүрэлцээ хангалтгүй, иргэд хүйтэнд олон цагаар автобус хүлээж даарч буйгаа илэрхийлсээр байгаа юм. Тэгвэл энэ үед UBCab автобусны буудал дээр зогсож буй хүүхэд, настай иргэдэд үнэгүй үйлчилэхээр болжээ.
UBCab-ийн зүгээс:
"Огцом хүйтэрч байгаа энэ цаг үед UBCab-ын жолооч нар автобусны буудал дээр зогсож буй хүүхэд, настай иргэдэд үнэгүй үйлчилж эхэллээ.
Та бүхэн цаашид өглөө ажилдаа явах, орой харих замдаа манай ҮНЭГҮЙ UBCAB-тай таарвал, чиглэлийнхээ дагуу үнэгүй хүргүүлэх боломжтой болжээ. Сайн дурын үндсэн дээр нэгдэж энэхүү үйл ажиллагааг эхлүүлсэн жолооч нар өнөөдөр өглөө 200 гаруй хүнийг үнэ төлбөргүй зорьсон газарт нь амжилттай хүргэсэн байна" гэжээ.
Энэхүү үйл ажиллагаа хүйтний эрч сулартал үргэлжлэх юм байна.
Сэтгэгдэл (1)