Засгийн газрын тогтоолоор 2020 оны дөрөвдүгээр сарын 20-ноос Хөгжлийн банкны хувьцаа эзэмшигчийн эрхийг Сангийн яам хэрэгжүүлж эхэлсэн гэдэг. Тухайн үеийн Сангийн сайдаар ажиллаж байсан Ч.Хүрэлбаатар нь Хөгжлийн банкны хувьцаа эзэмшигч болмогцоо удирдлагын багийг сольж, мөн тус банканд Сангийн яам, Монголбанкны хамтарсан шалгалт 2020 оны тавдугаар сард оруулсан байдаг.
Тус шалгалтаар Хөгжлийн банк нь дампуурах эрсдэлд орж, төлбөрийн чадваргүй болж байгааг дурдсан байсан ч Ч.Хүрэлбаатар нь шалгалтыг баталгаажуулалгүйгээр, тус банкнаас нэмж их хэмжээний буюу 200 орчим тэрбум төгрөгийн зээлийг арилжааны банкуудад 1% хүүтэй дамжуулан зээлсэн ба үүнээс дийлэнхийг нь Хаан банканд олгосон байна. Мөн, ХХБ-наас Хөгжлийн банканд төлөх ёстой 5 тэрбумын алдангийн төлбөрийг зүгээр л хүчингүй болгосон буюу аль хэдийн эрсдэлд орсон банкийг мэдсээр байж дампуурал руу улам түлхсэн гэдгийг өнгөрөгч 3 дугаар сард болсон УИХ-ын хянан шалгах түр хорооны нээлттэй сонсголоор олон нийтэд баримттайгаар дэлгэсэн. Тэгвэл уг хэрэгтэй холбогдуулан Эдийн засаг, хөгжлийн сайд Ч.Хүрэлбаатарыг АТГ-ээс шалгаж эхэлсэн аж.
Сэтгэгдэл (0)
Сэтгэгдэл бичигдээгүй байна