Л.Энх-Амгалан сайдын төрсөн дүүгээр зогсохгүй түүний эхнэр хүртэл 33 мянган ам.долларын зээл аваад тэглүүлжээ

Боловсрол, шинжлэх ухааны сайд Л.Энх-Амгалангийн төрсөн дүү 12 мянган ам.долларын зээлээ тэглүүлсэн талаар бид мэдээлсэн. Тэгвэл энэ удаа сайдын эхнэр Машбатын Сэржмядаг Боловсролын зээлийн сангаас зээл авч суралцсан талаар баримтыг мэдээлж байна. М.Сэржмядаг нь 2005 онд Австралийн Мельбурны их сургуульд суралцахдаа 33 мянган ам.долларын зээл авсан бөгөөд уг зээлийг БШУ-ны сайд асан Г.Чулуунбаатарын 2017 оны 7 дугаар сарын 27-ны А/88 тоот тушаалаар тэглүүлжээ. Мөн төрсөн дүүгийнхээ зээлийг Ц.Цогзолмаа сайдын 2018 оны 8 сарын 31 өдрийн А/555 дугаарын тушаалаар тэглүүлсэн байдаг.