Цэргийн баяр тэмдэглэж архидан согтуурсны улмаас ой гарантай хүүхэд нь осгожээ

Баянзүрх дүүргийн цагдаагийн газрын нэгдүгээр хэлтэст өчигдөр /2024.03.16/ 08:38 цагийн үед “Ой гарантай хүүхэд нас барчихсан юм шиг байна” гэх дуудлага, мэдээлэл бүртгэгдсэн байна.

Тус мэдээллийг шалгахад, "Н" нар нь цэргийн баяр тэмдэглэх нэрээр ахуйн хүрээнд архидан согтуурч, бага насны хүүхдэд тавих хараа хяналтаа сулруулсаны улмаас 1 ой, 4 сартай хүүхэд монгол гэрийн гадна талд осгосон байдалтай хэвтэж байсныг олж, яаралтай эмнэлгийн тусламж, үйлчилгээнд хамруулжээ. 

Иймд:

-Баяр тэмдэглэх нэрээр архи, согтууруулах ундааны зүйл хэтрүүлэн хэрэглэхгүй байх,

-Бага насны хүүхдэд учирч болзошгүй аливаа эрсдэлээс сэргийлэхийг анхааруулж байна.