Б.Найдалаа: Эрчим хүчний төрийн өмчит компанийн авлигад идэгдсэн тогтолцоог өөрчлөх нь эхний том алхам

Эрчим хүчний салбарт үүсээд буй нөхцөл байдалтай холбоотой шийдвэр гаргах түвшинд хэлэлцэж, форум хийхээр зөвлөлдөж буй билээ. Үүнтэй холбоотой Эрчим хүчний хорооноос мэдээлэл хийлээ.

УИХ-ын гишүүн Б.Найдалаа: Эрчим хүчний реформ гэж ярьж байгаа нь үнэ тариф огт биш, үүнийг онцолж хэлмээр байна. Үндэсний хороо байгуулагдаад ажиллаж, эрчим хүчний салбарыг урт хугацаанд шинэчлэх зорилготой. Үүний чухал хэсэг нь засаглалын асуудал, яаж төрийн өмчит компанийг үр ашигтай, үр дүнтэй ажиллуулах вэ, засаглал нь яаж авлига хулгайгаас хол байх вэ, эдгээр нь эрчим хүчний үндэсний хорооны анхаарч буй асуудал.

Нэн түрүүнд одоогийн компани дээр үнэлгээ хийх, яаж ажиллавал үр дүнтэй ажиллах вэ, гэдгийг иж бүрнээр нь ул суурьтай шийдэх ёстой. Яагаад гэвэл 30-иад компанийн удирдлагыг солих тухай асуудал биш, Монгол Улсад  төрийн өмчит компанийг дагаад авлигад идэгдсэн тогтолцоог өөрчлөх тухай эхний бөгөөд том алхам.

Эрчим хүчний үндэсний хороо тусгайлан ул сууртайгаар анхаарч олон улсын байгууллага, дотоодын болон салбарын мэргэжилтнүүдийг оролцуулан ажиллаж байна” гэв.