БИЛЛ КЛИНТОН МОНИКА ЛЕВИНСКИ НАРЫН ШУУГИАНТ ҮЙЛ ЯВДЛЫН ТАЛААР СЕРИАЛ ГАРГАНА

АНУ-ын 42 дахь Ерөнхийлөгч Билл Клинтон болон Цагаан ордонд дадлагажигч бүсгүй Моника Левинскигийн амрагийн харьцаа болон тэдний цаашдын шуугиант үйл явдлыг харуулсан сериал гаргахаар болжээ.

АНУ-ын Ерөнхийлөгчдийн талаар нэгбүрчлэн өгүүлдэг "Ерөнхий командлагч" сериалын нэг хэсгийг энэ сэдвээр бүтээхээр болсон байна. Питер Бейкерийн тус сэдвээр дагнан бичсэн номоос сэдэвлэн киног хийх аж.

1996 онд Билл Клинтон дадлагажигч бүсгүй Моника Левинскитэй аман секс есөн удаа хийсэн тухай мэдээлэл Америк болон дэлхий даяар цацагдаж, хэдэн жилийн турш гол шуугиан болсон билээ. Моника Левински улсынхаа Ерөнхийлөгчтэй амрагийн харьцаатай байснаа ярьсныг найз нь бичлэг болгон авч, улмаар бусдад дамжуулсан нь дуулианы эх үүсвэрийг тавьсан. Тухайн үед гол нотолгоо нь Моника Левинскигийн цэнхэр даашинз дээрх АНУ-ын Ерөнхийлөгчийн үрийн шингэн болсон юм.

Гэлээ ч Билл Клинтон АНУ-ын Ерөнхийлөгчийн албан үүргийнхээ хугацааг бүрэн дуусгасан төдийгүй гэр бүлээ авч үлдэж чадсан. Харин Моника Левински ийм шуугиан дэгдсэнд байн байн уучлалт гуйж, амьдралд нь сэтгэлзүйн том хар толбо үлдээсэн гэж мэдэгдсэн удаатай. 2014 онд өгсөн нэгэн ярилцлагадаа тэрбээр "Тэр малгайг шатааж, цэнхэр даашинзыг булах цаг иржээ" гэж хэлсэн юм.

М.Болджин